(ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານກອງປະຊຸມ) |
ຕອນເຊົ້າວັນທີ 16 ກໍລະກົດ, ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານກອງປະຊຸມຊຸກຍູ້ການລົງທຶນພາກລັດປີ 2024. ກ່າວຄຳເຫັນເປີດສາກກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຢືນຢັນວ່າ, ການລົງທຶນພາກລັດແມ່ນໜ້າທີ່ການເມືອງຈຸດສຸມ, ສວມບົດບາດສຳຄັນພິເສດ ນັບທັງທາງດ້ານເສດຖະກິດ, ການເມືອງ, ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ, ທັງມີລັກສະນະຮີບດ່ວນ, ທັງມີຄວາມໝາຍຍຸດທະສາດ ແລະ ແມ່ນໜ້າທີ່ຈຸດສຸມເພື່ອປະກອບສ່ວນຊຸກຍູ້ການເຕີບໂຕ, ຮັກສາເສດຖະກິດມະຫາພາກໃຫ້ເປັນປົກກະຕິ, ຮັບປະກັນບັນດາຄວາມດຸ່ນດ່ຽງໃຫຍ່ຂອງພື້ນຖານເສດຖະກິດ. ການລົງທຶນພາກລັດໄດ້ສ້າງພື້ນຖານໂຄງລ່າງເສດຖະກິດ - ສັງຄົມ, ປະກອບສ່ວນແກ້ໄຂຈຸດອຸດຕັນ, ສ້າງການພັດທະນາໃໝ່, ເພີ່ມທະວີການເຊື່ອມຕໍ່, ຫຼຸດຜ່ອນລາຍຈ່າຍ logistic; ຍົກສູງກຳລັງແກ່ງແຍ້ງຂອງທ້ອງຖິ່ນ, ເຂດ ແລະ ປະເທດຊາດ. ທ່ານນາຍົກລັດຖະມົນຕີ ຢືນຢັນວ່າ, ນາຍົກລັດຖະມົນຕີຍາມໃດກໍ່ເອົາໃຈໃສ່, ຊີ້ນຳຢ່າງຂ້ຽວຂາດ, ໃກ້ຊິດຕິດແທດໃນການຊຸກຍູ້ການປ່ອຍເງິນລົງທຶນພາກລັດ, ຜັນຂະຫຍາຍບັນດາໂຄງການເປົ້າໝາຍແຫ່ງຊາດ. ທ່ານນາຍົກລັດຖະມົນຕີຮຽກຮ້ອງໃຫ້ບັນດາລັດຖະມົນຕີ, ຫົວໜ້າຂະແໜງ, ການນຳບັນດາອົງການ, ທ້ອງຖິ່ນຊີ້ແຈ້ງສະພາບການປ່ອຍເງິນລົງທຶນພາກລັດ; ໃຫ້ຄຳໝັ້ນສັນຍາກ່ຽວກັບລະດັບການປ່ອຍເງິນລົງທຶນພາກລັດ.