 ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ. ພາບ: VOV |
ດ້ວຍຫົວຂໍ້ “ຊຸກຍູ້ນ້ຳໃຈມິດຕະພາບ ແລະ ຄວາມສາມັກຄີເພື່ອປະຊາຄົມສ້າງຄວາມເຂັ້ມແຂງດ້ວຍຕົນເອງ ແລະ ວັດທະນາຖາວອນ”, ກອງປະຊຸມໄດ້ວາງອອກບັນດາການກຳນົດທິດໃຫຍ່ ເພື່ອແນໃສ່ເສີມຂະຫຍາຍຄວາມສາມາດບົ່ມຊ້ອນຂອງບັນດາສະມາຊິກ, ຍາດແຍ່ງກາລະໂອກາດຈາກທ່າອ່ຽງພັດທະນາໃຫມ່, ກາຍເປັນຈຸດນັດພົບການລົງທຶນດູດດຶ່ມແຖວຫນ້າພາກພື້ນ ແລະ ສ້າງບາດກ້າວບຸກທະລຸໃຫ້ແກ່ການຮ່ວມມື CLMV.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ເນັ້ນຫນັກ ຄວາມຮຽກຮ້ອງສ້າງບາດກ້າວບຸກທະລຸແກ່ການຮ່ວມມື CLMV ເພື່ອໄປໃຫ້ທັດທຽມ, ກ້າວເດີນພ້ອມກັນ ແລະ ບືນຕົວຂຶ້ນບົນພື້ນຖານເສີມຂະຫຍາຍກຳລັງແຮງພາຍໃນ ສົມທົບກັບກຳລັງແຮງພາຍນອກ; ພຽງແຕ່ມີຄວາມສາມັກຄີ ແລະ ການຮ່ວມມື ຈຶ່ງຊ່ວຍໃຫ້ 4 ປະເທດ CLMV ຜ່ານຜ່າຄວາມຫຍຸ້ງຍາກ, ພ້ອມກັນ ສ້າງພາກພື້ນ CLMV ຂະຫຍັນຂັນເຄື່ອນ ແລະ ພັດທະນາແບບຍືນຍົງ.
ທ່ານນາຍົກລັດຖະມົນຕີ ຢືນຢັນ: ຫວຽດນາມ ຍາມໃດກໍ່ຖືການຮ່ວມມື ກຳປູເຈຍ -ລາວ- ມຽນມາ - ຫວຽດນາມ ເປັນສຳຄັນ ແລະ ຈະສືບຕໍ່ປະກອບສ່ວນສຸດຄວາມສາມາດຂອງຕົນເພື່ອເຮັດໃຫ້ການພົວພັນມິດຕະພາບທີ່ເປັນມູນເຊື້ອ, ບ້ານໃກ້ເຮືອນຄຽງໃກ້ຊິດສະຫນິດສະຫນົມ ຕ່າງຝ່າຍຕ່າງມີຜົນປະໂຫຍດໃຫ້ ເລິກເຊິ່ງ ກວ່າອີກ.
ສິ້ນສຸດກອງປະຊຸມ ບັນດາການນຳ ໄດ້ອອກຖະແຫລງການຮ່ວມ ແລະ ເປັນສັກຂີພິຍານການມອບຮັບບົດບາດປະທານການຮ່ວມມື CLMV ລະຫວ່າງ ມຽນມາ ແລະ ຫວຽດນາມ.