“ສິ່ງດັ່ງກ່າວສະແດງໃຫ້ເຫັນການຮັບຮູ້, ຄວາມເຊື່ອໝັ້ນ ແລະ ການສະໜັບສະໜູນຂອງທະນາຄານໂລກ ກໍ່ຄື ປະຊາຄົມສາກົນທີ່ມີຕໍ່ວິວັດແຫ່ງການປ່ຽນໃໝ່ຂອງຫວຽດນາມ. ລັດຖະບານຫວຽດນາມ ເຄົາລົບ ແລະ ໃຫ້ຄຳໝັ້ນສັນຍາຈະນຳໃຊ້ທຸກມາດຕະການເພື່ອຮັບປະກັນຜັນຂະຫຍາຍ ແຫຼ່ງທຶນອັນລຳ້ຄ່ານີ້ຢ່າງໄວ ແລະ ມີປະສິດທິຜົນສູງສຸດ. ຂ້າພະເຈົ້າເຊື່ອໝັ້ນວ່າ, ດ້ວຍຄວາມມານະພະຍາຍາມຂອງທັງສອງຝ່າຍ, ການພົວພັນຄູ່ຮ່ວມມືພັດທະນາລະຫວ່າງຫວຽດນາມ - ທະນາຄານໂລກ ຈະນັບມື້ນັບພັດທະນາຂຶ້ນສູ່ລະດັບສູງໃໝ່“.
ສ່ວນທ່ານປະທານທະນາຄານໂລກ Jim Yong Kim ກໍ່ເນັ້ນໜັກວ່າ:
“ມື້ນີ້ຂ້າພະເຈົ້າພາກພູມໃຈທີ່ຢືນຢັນວ່າ ກຸ່ມທະນາຄານໂລກ ຈະສືບຕໍ່ການພົວພັນຮ່ວມມືກັບຫວຽດນາມ ໃນວິວັດທີ່ຫວຽດນາມກາຍເປັນປະເທດອຸດສາຫະກຳຂະໜາດກາງ. ບັນດາບົດຮຽນຂອງຫວຽດນາມ ມີປະໂຫຍດທີ່ສຸດສຳລັບບັນດາປະເທດອື່ນ ກໍ່ຄືພວກຂ້າພະເຈົ້າ, ຊ່ວຍໃຫ້ພວກຂ້າພະເຈົ້າອຸປະຖຳເພື່ອປະຕິບັດຈຸດໝາຍລວມ ນັ້ນແມ່ນຢຸດຕິສະພາບທຸກຍາກ ແລະ ສ້າງຄວາມວັດທະນາຖາວອນລວມ. ຫວຽດນາມ ແມ່ນແບບຢ່າງທີ່ປະສົບຜົນສຳເລັດໃນການພັດທະນາ ແລະ ຄວນແບ່ງປັນບົດຮຽນຂອງຫວຽດນາມ ເຖິງທົ່ວໂລກ“.
ພາຍຫຼັງການພົບປະ. ທ່ານນາຍົກລັດຖະມົນຕີ ຫງວຽນເຕິ໋ນຢຸງ ໄດ້ເປັນສັກຂີພິຍານພິທີລົງນາມໃນສັນຍາກູ້ຢືມທຶນດ້ວຍດອກເບ້ຍພິເສດລະ ຫວ່າງທ່ານ ປະທານທະນາຄານໂລກ Jim Yong Kim ແລະ ຜູ້ວ່າການທະນາຄານແຫ່ງລັດຫວຽດນາມ ຫງວຽນວັນບິ່ງ ດ້ວຍມູນຄ່າ 876 ລ້ານໂດລາສະຫະລັດ. ນີ້ແມ່ນແຫຼ່ງທຶນທີ່ຈະອຸປະຖຳໃຫ້ບັນດາລາຍການ, ໂຄງການທີ່ມີເປົ້າໝາຍຊົມໃຊ້ແມ່ນປະຊາຊົນ ແລະ ວິສາຫະກິດຢູ່ທ້ອງຖີ່ນ ຕ່າງໆໃນທົ່ວປະເທດຫວຽດນາມ.