ຕວຽນກວາງ ເປັນເຈົ້າພາບຈັດວັນບຸນວັດທະນະທຳ, ກິລາ ແລະ ການທ່ອງທ່ຽວບັນດາເຜົ່າເຂດທາງທິດຕາເວັນອອກສ່ຽງເໜືອຄັ້ງທີ XII (ພາບ: VOV)

ວັນບຸນວັດທະນະທຳ, ກິລາ ແລະ ການທ່ອງທ່ຽວບັນດາເຜົ່າເຂດທາງທິດຕາເວັນອອກສ່ຽງເໜືອຄັ້ງທີ XI ປີ 2024 ໄດ້ອັດລົງໃນຕອນບ່າຍວັນທີ 4 ພະຈິກ, ພາຍຫຼັງການດຳເນີນມາເປັນເວລາ 3 ວັນ (2 – 4 ພະຈິກ), ຢູ່ແຂວງ ລ້າງເຊີນ. ບັນດາການເຄື່ອນໄຫວໃນວັນບຸນ ເຕັມໄປດ້ວຍກຳລັງດຶງດູດ, ສີສັນບັນດາເຜົ່າເຂດ ທາງທິດຕາເວັນອອກສ່ຽງເໜືອ. ຜ່ານບັນດາພິທີທາງການ, ວັນບຸນສະແດງໃຫ້ເຫັນນ້ຳໃຈສະຕິຄວາມຮັບຜິດຊອບຂອງພໍ່ແມ່ປະຊາຊົນບັນດາເຜົ່າໃນການອະນຸລັກຮັກສາບັນດາຈຸດວັດທະນະທຳທີ່ເປັນເອກະລັກສະເພາະຂອງເຜົ່າຕົນ… ທ່ານ ຫງວຽນດັ້ງເອິນ, ຫົວໜ້າພະແນກວັດທະນະທຳກິລາ ແລະ ທ່ອງທ່ຽວແຂວງ ລ້າງເຊີນ, ຮອງຫົວໜ້າຄະນະປະຈຳຄະນະຈັດຕັ້ງວັນບຸນ ໃຫ້ຮູ້ວ່າ:

ວັນບຸນໄດ້ປະສົບຜົນສຳເລັດຢ່າງຈົບງາມ, ປະຕິບັດສຳເລັດທຸກເນື້ອໃນທີ່ໄດ້ວາງອອກ. ການຕອບສະໜອງຂອງສື່ມວນຊົນສຳລັບເຫດການນີ້ແມ່ນຕັ້ງໜ້າທີ່ສຸດ, ຈຳນວນແຂກທ່ອງທ່ຽວມາຍັງລ້າງເຊີນໃນໂອກາດນີ້ກໍ່ເພີ່ມຂຶ້ນສູງ. ຄະນະຕ່າງໆ ມາຈາກບັນດາແຂວງໄດ້ນຳມາເຊິ່ງລາຍການສະແດງທີ່ພົ້ນເດັ່ນທີ່ສຸດ ແລະ ເຂັ້ມຂຸ້ນໄປດ້ວຍຂີດໝາຍສີສັນຂອງເຜົ່າຕົນ. ນີ້ກໍ່ແມ່ນຈຸດພົ້ນເດັ່ນຂອງວັນບຸນໃນປີ 2024.

ທີ່ພິທີອັດ, ຄະນະຈັດຕັ້ງໄດ້ມອບສິດເປັນເຈົ້າພາບຈັດວັນບຸນວັດທະນະທຳ, ກິລາ ແລະ ການທ່ອງທ່ຽວບັນດາເຜົ່າເຂດທາງທິດຕາເວັນອອກສ່ຽງເໜືອຄັ້ງທີ XII ປີ 2027 ໃຫ້ແກ່ແຂວງ ຕວຽນກວາງ.