 ທ່ານນາງ ປະທານສະພາແຫ່ງຊາດຫວຽດນາມ ຫງວຽນທິກິມເງິນ (ພາບ: TTXVN) |
ເມື່ອຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ, ທ່ານນາງ ປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ເນັ້ນໜັກວ່າ: ປີ 2021 ແມ່ນປີທີ່ມອບໂອນອາຍຸການ, ປີທຳອິດປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງ ພັກກອມມູນິດ ຫວຽດນາມ; ສະຫຼຸບ ອາຍຸການ ສະພາແຫ່ງຊາດຊຸດທີ 14; ເລືອກຕັ້ງສະມາຊິກສະພາແຫ່ງຊາດຊຸດທີ 15 ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2021 – 2026, ແມ່ນປີທຳອິດປະຕິບັດຍຸດທະສາດພັດທະນາເສດຖະກິດສັງຄົມ ໄລຍະ 10 ປີ 2021 – 2030, ແຜນການພັດທະນາເສດຖະກິດ - ສັງຄົມ ໄລຍະ 5 ປີ ແຕ່ປີ 2021 – 2025. ໜ້າທີ່ໃນຕໍ່ໜ້າ ແລະ ໃນໄລຍະຍາວຂອງປະເທດຊາດເວົ້າລວມ ແລະ ຂອງ ສະພາແຫ່ງຊາດເວົ້າສະເພາະແມ່ນ ໜັກໜ່ວງທີ່ສຸດ, ຮຽກຮ້ອງໃຫ້ການເຄື່ອນໄຫວຂອງສະພາແຫ່ງຊາດຕ້ອງສືບຕໍ່ມີການປ່ຽນແປງໃໝ່, ປັບປຸງ ເພື່ອຍົກສູງຄຸນນະພາບ, ປະສິດທິຜົນໃຫ້ຫຼາຍກວ່າອີກ ເພື່ອປະກອບສວນເຂົ້າໃນພາລະກິດແຫ່ງການພັດທະນາປະເທດຊາດ, ເຊື່ອມໂຍງເຂົ້າກັບສາກົນ, ປະກອບສ່ວນປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງ ພັກ ໃຫ້ຢ່າງມີໄຊ.
ທ່ານນາງ ປະທານສະພາແຫ່ງຊາດຫວຽດນາມ ຫງວຽນທິກິມເງິນ ປາດຖະໜາວ່າ ປະຊາຊົນ, ຜູ້ມີສິດເລືອກຕັ້ງໃນທົ່ວປະເທດ ກໍຄື ພໍ່ແມ່ພີ່ນ້ອງຊາວຫວຽດນາມ ອາໄສຢູ່ ຕ່າງປະເທດ ສືບຕໍ່ເສີມຂະຫຍາຍຄວາມສາມັກຄີ, ຮ່ວມແຮງຮ່ວມໃຈ, ມານະພະຍາຍາມຜ່ານຜ່າຄວາມຫຍຸ້ງຍາກ, ປະກອບສ່ວນສ້າງສາ ແລະ ພັດທະນາປະເທດຊາດ, ສືບຕໍ່ແບ່ງປັນ, ເອົາໃຈໃສ່ ແລະ ປະກອບຫຼາຍຄຳຄິດຄຳເຫັນອັນລ້ຳຄ່າ ເພື່ອໃຫ້ສະພາແຫ່ງຊາດນັບມື້ນັບປະຕິບັດບົດບາດ, ໜ້າທີ່ຂອງຕົນໃຫ້ດີກວ່າອີກ.