ພິທີພິທີສວດມົນພາວະນາຢູ່ ສ. ເຊັກໂກ
|
(vovworld) - ຫວ່າງແລ້ວນີ້, ຢູ່ ປຣາຮາ, ສ. ເຊັກໂກ ໄດ້ດຳເນີນພິທີສວດມົນພາວະນາໃຫ້ບັນດານັກຮົບເສຍສະຫຼະຊີວິດເພື່ອອະທິປະໄຕເຂດທະເລ, ໝູ່ເກາະຂອງປະເທດຊາດ ໂດຍສະມາຄົມນັກຮົບເກົ່າ, ສະມາຄົມພຸດທະສາສະນິກກະຊົນ, ສະມາຄົມວັດທະນະທຳ - ສີລະປະ ຫວຽດນາມ ຢູ່ ສ. ເຊັກໂກ ແລະ ກຸ່ມ “ອ້າຍນ້ອງເພື່ອ ບ້ານເກີດເມືອງນອນ” ຈັດຕັ້ງ. ທີ່ພິທີ, ຄະນະຈັດຕັ້ງເຫດການໄດ້ປະກາດຈົດໝາຍຄັດຄ້ານ ຝາກເຖິງສະຖານທູດ ຈີນ ປະຈຳ ສ. ເຊັກໂກ, ໃນນັ້ນ ໄດ້ຢັ້ງຢືນຫຼັກໝັ້ນຂອງ ຫວຽດນາມ ຄັດຄ້ານບັນດາການກະທຳນຳໃຊ້ກຳລັງອາວຸດ, ກໍ່ຄືຮຽກຮ້ອງໃຫ້ຢຸດຕິທຸກໆການເຄື່ອນໄຫວເພື່ອແນໃສ່ປ່ຽນແປງສະພາບເດີມຢູ່ທະເລຕາເວັນອອກ, ເພື່ອພື້ນຖານສັນຕິພາບ ແລະ ສະຖຽນລະພາບໃນພາກພື້ນ. ສິ້ນສຸດພິທີ, ບັນດາຜູ້ເຂົ້າຮ່ວມເຫດການ ແລະ ຜູ້ຕາງໜ້າບັນດາອົງການຈັດຕັ້ງມະຫາຊົນປະຊາຄົມຊາວ ຫວຽດນາມ ຢູ່ ສ. ເຊັກໂກ ໄດ້ປະກອບເງິນເຂົ້າກອງທຶນໜູນຊ່ວຍບັນດາຄອບຄົວນັກຮົບເສຍສະຫຼະຊີວິດເພື່ອປົກປັກຮັກສາທະເລ, ໝູ່ເກາະ ຫວຽດນາມ.