(ພາບປະກອບຈາກ AFP)
|
(vovworld) – ວັນທີ 28/3, ທ່ານກຳມະການຄະນະລັດຖະບານ ຈີນ ຢາງເຈຍຊື້ ໃຫ້ຮູ້ວ່າ: ປັກກິ່ງ ຫວັງວ່າການຮ່ວມມືດ້ານການເດີນທະເລລະຫວ່າງປະເທດນີ້ ແລະ ບັນດາປະເທດ ອາຊຽນ ຈະກາຍເປັນຮູບແບບໃຫ້ແກ່ການສ້າງຕັ້ງເສັ້ນທາງຄົມມະນາຄົມທາງທະເລໃນສະຕະວັດທີ 21. ຄຳເຫັນດັ່ງກ່າວໂດຍທ່ານ ຢາງເຈຍຊື້ ຍົກອອກມາໃນພິທີປຸກລະດົມປີຮ່ວມມືການເດີນທະເລລະຫວ່າງ ຈີນ ແລະ ອາຊຽນຢູ່ນອກເວທີປາໄສ ອາຊີ ປົວຢາວ 2015 (BFA) ຢູ່ແຂວງ ໄຮໜານ, ພາກໃຕ້ປະເທດຈີນ. ທ່ານ ຢາງເຈຍຊື້ ຢັ້ງຢືນ ຈີນກຽມພ້ອມຮ່ວມມືກັບທຸກໆປະເທດກ່ຽວຂ້ອງເພື່ອສ້າງຕັ້ງການພົວພັນຄູ່ຮ່ວມມືການເດີນທະເລພ້ອມກັນຮັບຜົນປະໂຫຍດ ແລະ ມານະພະຍາຍາມເພື່ອບັນລຸຄວາມຄືບໜ້າໂດຍໄວ. ໃນຂະນະນັ້ນ, ກ່າວຄຳເຫັນທີ່ການພົບປະກັບທ່ານ ຢາງເຈຍຊື້, ທ່ານຮອງນາຍົກລັດຖະມົນຕີ ໄທ ຕິມະສັກ ປະຕິມາພຣາກອນ ເນັ້ນໜັກວ່າ: ບັນດາສະມາຊິກ ອາຊຽນ ກຽມພ້ອມຮັດແໜ້ນການພົວພັນຮ່ວມມືດ້ານການເດີນທະເລ ກັບ ຈີນ ແລະ ເພີ່ມທະວີການເຊື່ອມຕໍ່ ອາຊີ.