(ພາບປະກອບ / TTXVN)
(vovworld) - ວັນທີ 24/03 ຢູ່ເມືອງເກາະ ແບກລອງຫວີ, ນະຄອນ ຫາຍຟ່ອງ, ກະຊວງຖະແຫຼງຂ່າວ ແລະ ສື່ສານສົມທົບກັບຄະນະກຳມະການປະຊາຊົນນະຄອນ ຫາຍຟ່ອງ ໄຂງານວາງສະແດງແຜນທີ່ ແລະ ເອກະສານ “ຮ່ວາງຊາ, ເຈື່ອງຊາຂອງ ຫວຽດນາມ - ດ້ວຍບັນດາພະຍານຫຼັກຖານປະຫວັດສາດ ແລະ ນິຕິທຳ”. ທີ່ງານວາງແນະນຳໄດ້ສະແດງເອກະສານ, ວັດຖຸພັນ, ສື່ສິ່ງພິມ ແລະ ແຜນທີ່ຫລາຍຢ່າງ ໄດ້ເກັບມາຈາກບັນດາແຫຼ່ງເອກະສານ ເຊິ່ງໄດ້ຮັບການປະກາດຂອງບັນດານັກວິທະຍາສາດ, ນັກຮຽນຮູ້ພາຍໃນປະເທດ ແລະ ຕ່າງປະເທດ.
ງານວາງສະແດງແຜນທີ່ ແລະ ວາງສະແດງເອກະສານ “ຮ່ວາງຊາ, ເຈື່ອງຊາຂອງ ຫວຽດນາມ - ດ້ວຍບັນດາພະຍານຫຼັກຖານປະຫວັດສາດ ແລະ ນິຕິທຳ” ໄດ້ຈັດຕັ້ງ ເພື່ອແນໃສ່ໂຄສະນາຢ່າງເລິກເຊິ່ງກ້ວາງຂວາງເຖິງປະຊາຊົນນະຄອນ ຫາຍຟ່ອງ ເວົ້າລວມ ແລະ ປະຊາຊົນເມືອງເກາະ ແບກລອງຫວີ ເວົ້າສະເພາະກ່ຽວກັບບົດບາດ, ທີ່ຕັ້ງຍຸດທະສາດຂອງທະເລໝູ່ເກາະ ຫວຽດນາມ, ປະກອບສ່ວນສ້າງຄວາມເອກອ້າງທະນົງໃຈຂອງຊາດ, ເພີ່ມທະວີກຳລັງແຮງຄວາມສາມັກຄີທົ່ວປວງຊົນທັງຊາດ ແລະ ເຈດຈຳນົງຕັດສິນໃຈ, ປົກປັກຮັກສາອະທິປະໄຕທະເລໝູ່ເກາະສັກກະລະບູຊາຂອງປະເທດຢ່າງໝັ້ນຄົງ.