ພາບປະກອບ
(vovworld) – ວັນທີ 27/5, ຢູ່ເທດສະບານ ດົ່ງຊ່ວາຍ, ແຂວງ ບີ່ງເຟືອກ, ກະຊວງຖະແຫຼງຂ່າວ ແລະ ສື່ສານໄດ້ສົມທົບກັບຄະນະກຳມະການປະຊາຊົນແຂວງ ບີ່ງເຟືອກ ໄຂງານວາງສະແດງແຜນທີ່ ແລະ ວາງສະແດງເອກະສານ “ຮ່ວາງຊາ, ເຈື່ອງຊາຂອງຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິທຳ”. ງານວາງສະແດງໄດ້ນຳມາວາງສະແດງເອກະສານ, ວັດຖຸພັນ, ສິ່ງພິມຫຼາຍສະບັບ ແລະ ແຜນທີ່ 100 ສະບັບ, ເຊິ່ງແມ່ນການເຕົ້າໂຮມບັນດາແຫຼ່ງເອກະສານໄດ້ປະກາດແຕ່ກ່ອນມານີ້ຂອງບັນດານັກຄົ້ນຄ້ວາ, ນັກຮຽນຮູ້ທັງຢູ່ພາຍໃນ ແລະ ຕ່າງປະເທດ.
ກ່າວຄຳເຫັນທີ່ງານວາງສະແດງ, ທ່ານ ຟ້າມຮົ່ງຫາຍ, ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ເນັ້ນໜັກວ່າ: ເລື່ອງປະກາດເອກະສານ, ພະຍານຫຼັກຖານປະຫວັດສາດ ແລະ ນິຕິທຳຢັ້ງຢືນອະທິປະໄຕຂອງ ຫວຽດນາມ ສຳລັບໝູ່ເກາະ 2 ແຫ່ງ ຮ່ວາງຊາ ແລະ ເຈື່ອງຊາເພື່ອແນໃສ່ເພີ່ມທະວີການໂຄສະນາ, ຍົກສູງສະຕິ, ຄວາມຮັບຜິດຊອບຂອງພະນັກງານ ແລະ ປະຊາຊົນທຸກຊັ້ນວັນນະໃນການປົກປ້ອງອະທິປະໄຕເຂດທະເລ, ໝູ່ເກາະ, ເຂດໄຫຼ່ທະວີບທີ່ສັກກະລະບູຊາຂອງປະເທດຊາດຢ່າງໝັ້ນຄົງເຂັ້ມແຂງ. ບັນດາເອກະສານ, ວັດຖຸພັນໄດ້ນຳມາວາງສະແດງແມ່ນສ່ວນໜຶ່ງຂອງບັນດາພະຍານຫຼັກຖານປະຫວັດສາດ ແລະ ນິຕິທຳທີ່ເກັບມາໄດ້ທັງຢູ່ພາຍໃນ ແລະ ຕ່າງປະເທດ, ໃນນັ້ນມີທັງຢູ່ ຈີນ, ປະກອບສ່ວນພິສູດໃຫ້ເຫັນອະທິປະໄຕຂອງ ຫວຽດນາມ ສຳລັບໝູ່ເກາະຮ່ວາງຊາ, ເຈື່ອງຊາ.