ການມອບເອກະສານໃຫ້ແຂວງ ຫວີງຟຸກ
(ພາບ: infonet.vn)
(vovworld) – ງານວາງສະແດງແຜນທີ່ ແລະ ເອກະສານ “ຮ່ວາງຊາ, ເຈື່ອງຊາຂອງ ຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິກຳ” ພວມດຳເນີນຢູ່ໂຮງລະຄອນແຂວງ ຫວີງຟຸກ. ງານວາງສະແດງໄດ້ແນະນຳຮູບຖ່າຍ, ແຜນທີ່, ປ້າຍໂຄສະນາ, ພ້ອມກັບເອກະສານລຳ້ຄ່າຫຼາຍຢ່າງທີ່ຢັ້ງຢືນອະທິປະໄຕທະເລ,ເກາະຂອງ ຫວຽດນາມ ສຳລັບໝູ່ເກາະ 2 ແຫ່ງ ຮ່ວາງຊາ ແລະ ເຈື່ອງຊາ, ໃນນັ້ນມີບາງວັດຖຸພັນຂອງລາດຊະວົງ ຫງວຽນ ໄດ້ນຳມາວາງສະແດງ. ຄຽງຄູ່ກັນນັ້ນ, ຍັງມີຫຼາຍພະຍານຫຼັກຖານດ້ານປະຫວັດສາດ ແລະ ນິຕິກຳອື່ນໆຄື: ຮ່ວາງຊາ, ເຈື່ອງຊາ ຕາມແຜນທີ່ເດີມຂອງ ຫວຽດນາມ, ຮ່ວາງຊາ, ເຈື່ອງຊາ ຕາມແຜນທີ່ຂອງຝ່າຍຕາເວັນຕົກ… ພິເສດ, ສິ່ງໃໝ່ອ່ຽມໃນງານວາງສະແດງຄັ້ງນີ້ແມ່ນສະແຕມນັບສິບຊຸດຂອງ ຫວຽດນາມ ຜ່ານສະໄໝຕ່າງໆ, ກໍ່ຄືບັນດາໄລຍະປະຫວັດສາດຂອງ ຫວຽດນາມ ກໍ່ຖືກນຳມາວາງສະແດງ… ຜ່ານງານວາງສະແດງ, ປະຊາຊົນຈະມີຄວາມເຂົ້າໃຈລະອຽດກ່ວານັ້ນແມ່ນທະເລ, ໝູ່ເກາະ ຫວຽດນາມ ແມ່ນພາກສ່ວນທີ່ສັກກະລະບູຊາ, ບໍ່ສາມາດຕັດແຍກອອກຈາກປະເທດ ຫວຽດນາມ ໄດ້, ມີທີ່ຕັ້ງບົດບາດສຳຄັນພິເສດໃນພາລະກິດສ້າງສາ ແລະ ປົກປັກຮັກສາປະເທດຊາດ, ພ້ອມທັງຢັ້ງຢືນອະທິປະໄຕຂອງ ຫວຽດນາມ ສຳລັບ ຮ່ວາງຊາ, ເຈື່ອງຊາຂອງ ຫວຽດນາມ ຜ່ານບັນດາເອກະສານປະຫວັດສາດ. ງານວາງສະແດງເປີດປະຕູຮອດວັນທີ 6/6.