(ກອງປະຊຸມຄັ້ງທີ 21)
(vovworld) - ໂດຍສືບຕໍ່ກອງປະຊຸມຄັ້ງທີ 21, ຕອນບ່າຍວັນທີ 13 ກັນຍາ, ຄະນະປະຈຳສະພາແຫ່ງຊາດ ສືບຕໍ່ເຮັດວຽກ, ໃຫ້ຄຳເຫັນໃສ່ຮ່າງລັດຖະທຳມະນູນປີ 1992 (ສະບັບປັບປຸງ). ກ່ອນໜ້ານັ້ນ, ຕອນເຊົ້າວັນທີ 13 ກັນຍາ, ຄະນະປະຈຳສະພາແຫ່ງຊາດ ໄດ້ສຸມໃສ່ປຶກສາຫລືຫຼາຍກວ່າໝູ່ກ່ຽວກັບຮ່າງກົດໝາຍວ່າດ້ວຍລົ້ມລະລາຍ (ສະບັບປັບປຸງ). ບັນຫາເຊິ່ງບັນດາຜູ້ແທນສຸມໃສ່ປຶກສາຫາລືຫຼາຍທີ່ສຸດນັ້ນແມ່ນ ຂໍ້ກຳນົດມາດຖານກຳນົດວິສາຫະກິດ, ສະຫະກອນຕົກເຂົ້າສູ່ສະພາບລົ້ມລະລາຍ. ມາດຕາທີ 3 ຂອງຮ່າງ ກົດໝາຍກຳນົດວ່າ: ວິສາຫະກິດ, ສະຫະກອນ ບໍ່ສາມາດຊຳລະບັນດາບ້ວງໜີ້ທີ່ຮອດກຳນົດເວລາຕ້ອງຊຳລະແຕ່ 200 ລ້ານດົງ ຂຶ້ນໄປ ໃນເວລາ 3 ເດືອນ, ນັບແຕ່ມື້ເຈົ້າໜີ້ຮຽກຮ້ອງການໃຊ້ໜີ້ ແມ່ນຖືກຖືວ່າຕົກເຂົ້າສູ່ສະພາບລົ້ມລະລາຍ. ມີຄຳເຫັນຫຼາຍຢ່າງຍັງກັງວົນກ່ຽວກັບຄວາມສາມາດເປັນໄປໄດ້ຂອງຂໍ້ກຳນົດນີ້. ບັນດາຜູ້ແທນສະເໜີ ຕ້ອງກຳນົດວິສາຫະກິດຕົກເຂົ້າສູ່ສະພາບລົ້ມລະລາຍ ບົນພື້ນຖານຄິດໄລ່ຍ້ອດຈຳນວນໜີ້ສິນ ຕໍ່ທຶນຂອງວິສາຫະກິດ, ເພື່ອແນໃສ່ຕີລາຄາຄວາມສາມາດຕົວຈິ່ງຂອງວິສາຫະກິດ, ສະຫະກອນ ແລະ ຮັບປະກັນຄວາມສົດໃສຂອງພື້ນຖານເສດຖະກິດ.