ຄວາມຊົງຈຳລະດູໃບໄມ້ຫຼົ່ນ - ຮູບພາບປົດປ່ອຍນະຄອນຫລວງ ວັນທີ 10 ຕຸລາ 1954 |
ກ່າວຄຳເຫັນທີ່ພິທີ, ທ່ານ ຫງວຽນວັນກຸ໊ຍ ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ ຢືນຢັນວ່າ: ວັນທີ 10 ຕຸລາ ປີ 1954 ໄດ້ສ້າງເປັນຂີດໝາຍປະຫວັດສາດແຫ່ງການສ້າງສາ ແລະ ພັດທະນາຂອງນະຄອນຫລວງ ແລະ ປະເທດຊາດ, ເປັນບາດລ້ຽວທີ່ມີຄວາມໝາຍຍິ່ງໃຫຍ່, ເປີດສາກໄລຍະພັດທະນາໃໝ່ໃນປະຫວັດສາດອັນສະຫງ່າລາສີ “ທັງລອງ - ດົງໂດ - ຮ່າໂນ້ຍ”. ເສີມຂະຫຍາຍມູນເຊື້ອການປະຕິວັດວິລະຊົນ, ອຳນາດການປົກຄອງ ແລະ ປະຊາຊົນນະຄອນຫລວງ ໄດ້ ແລະ ພວມກໍ່ສ້າງ ຮ່າໂນ້ຍ ໃຫ້ກາຍເປັນນະຄອນທີ່ມີຄວາມຮັ່ງມີສວຍງາມ, ສີວິໄລ ແລະ ທັນສະໄໝ.
ລາຍການແມ່ນໂອກາດເພື່ອຫວນຄືນມູນເຊື້ອການປະຕິວັດ; ສະແດງຄວາມຮູ້ບຸນຄຸນຕໍ່ບັນດາຕົວພະຍານປະຫວັດສາດ, ບັນດາຄອບຄົວຕົວພະຍານປະຫວັດສາດ; ສຶກສາມູນເຊື້ອໃຫ້ແກ່ລຸ້ນໜຸ່ມ, ກໍ່ຄືໂຄສະນາເຜີຍແຜຄຸນຄ່າວັດທະນະທຳປະຫວັດສາດບັນດາປູຊະນີຍະສະຖານປະຕິວັດ, ບັນດາເຫດການປະຕິວັດດຳເນີນຢູ່ພະລາດຊະວັງ ທັງລອງ ໃນວັນປົດປ່ອຍນະຄອນຫລວງ.