​ທ່ານ​ປະ​ທາ​ນາ​ທິບ​ໍ​ດີ Colombia, Juan Manuel Santos ທີ່​ພິ​ທີ​ມອບ​ລາງວັນ (ພາບ: Getty)

(vovworld) – ຂໍ້​ຕົກ​ລົງ​ສັນ​ຕິ​ພາບ​ລະ​ຫວ່າງ​ລັດ​ຖະ​ບານ Colombia ແລະ ກຳ​ລັງ​ປະ​ກອບ​ອາ​ວຸດ​ປະ​ຕິ​ວັດ Colombia (FARC) ແມ່ນ​ແບບ​ຢ່າງ​ໃຫ້​ບັນ​ດາ​ປະ​ເທດ​ພວມ​ຖື​ກ​ສົງ​ຄາມ​ທຳ​ລາຍ​ຄື ຊີ​ຣີ, ເຢ​ແມນ ແລະ ຊູ​ດານ​ໃຕ້. ນັ້ນ​ແມ່​ນ​ຄຳ​ກ່າວ​ປາ​ໄສ​ຂອງ​ທ່ານ​ປະ​ທາ​ນາ​ທິບ​ໍ​ດີ Colombia, Juan Manuel Santos ເມື່ອ​ທ່ານນີ້​ໄດ​້​ຮັບ​ລາງວັນ Nobel ສັນ​ຕິ​ພາບ​ປີ 2016 ຢູ່​ນະ​ຄອນ Oslo (ປະ​ເທດ ນ​ອກ​ແວ) ໃນ​ວັນ​ທີ 10/12. ກ່າວ​ຄຳ​ເຫັນ​ທີ່​ພິ​ທີ​ຮັບ​ລາງວັນ Nobel ສັນ​ຕິ​ພາບ, ທ່ານ​ປະ​ທາ​ນາ​ທິ​ບໍ​ດີ Santos ເນັ້ນ​ໜັກ​ວ່າ ຂໍ້​ຕົກ​ລົງ​ສັນ​ຕິ​ພາບ​ເມື່ອ​ວັນ​ທີ 24/11/2016 ຊ່ວຍ​ຢຸດ​ຕິ​ການ​ປະ​ທະ​ກັນ​ແກ່​ຍາວ​ເປັນ​ເວ​ລາ 5 ທົດ​ສະ​ວັດ​ຜ່ານ​ມາ​ແມ່ນ​ແບບ​ຢ່າງ​ເພື່ອ​ແກ້ໄຂ​ບັນ​ດາ​ການ​ປະ​ທະ​ກັນ​ປະ​ກອບ​ອາ​ວຸດ ພວມບໍ່​ມີ​ທາງ​ອອກ​ໃນ​ໂລກ. ທ່ານ​ປະ​ທາ​ນາ​ທິ​ບໍ​ດີ Colombia ຖື​ວ່າ ທຸກໆ​ການ​ປະ​ທະ​ກັນ ລ້ວນ​ແຕ່​ສາ​ມາດ​ແກ້​ໄຂ​ໄດ້​ນັບ​ທັງ​ຢູ່ ຊີ​ຣີ, ເຢ​ແມນ ຫຼື ຊູ​ດານ​ໃຕ້.