 ກອງປະຊຸມສໍາມະນາສົ່ງເສີມການຄ້າໄປຍັງຕະຫຼາດ ເອີຣົບ (ພາບ: TTXVN) |
“ກຳລັງບົ່ມຊ້ອນການສົ່ງອອກຜະລິດຕະພັນຕາມໂຄຕ້າໄປຍັງຕະຫຼາດເອີຣົບ”. ນີ້ແມ່ນເນື້ອໃນທີ່ໄດ້ປຶກສາຫາລືໃນຂອບເຂດກອງປະຊຸມສໍາມະນາສົ່ງເສີມການຄ້າໄປຍັງຕະຫຼາດ ເອີຣົບ ໂດຍກົມສົ່ງເສີມການຄ້າ (ກະຊວງອຸດສາຫະກຳ) ຈັດຂຶ້ນ ໃນຕອນບ່າຍວັນທີ 18 ພະຈິກ, ຢູ່ຮ່າໂນ້ຍ. ຜ່ານຕົວເລກສະຖິຕິພາສີ ຫວຽດນາມ ໄດ້ສະແດງໃຫ້ເຫັນວ່າ ພາຍຫຼັງສັນຍາການຄ້າເສລີ ຫວຽດນາມ - EU (EVFTA) ມີຜົນສັກສິດ ມາໄດ້ 4 ປີ (ແຕ່ເດືອນ ສິງຫາ 2020), ປັດຈຸບັນ, ສະຫະພາບເອີຣົບ (EU) ແມ່ນຄູ່ຮ່ວມມືການຄ້າແຖວໜ້າຂອງ ຫວຽດນາມ, ດ້ວຍວົງເງິນສົ່ງອອກໃນ 4 ປີຜ່ານມາຄາດວ່າບັນລຸກວ່າ 200 ຕື້ USD, ເຕີບໂຕແຕ່ 12 – 15%. EU ນອນໃນກຸ່ມ 6 ຕະຫຼາດນຳເຂົ້າ, ສົ່ງອອກໃຫຍ່ສຸດຂອງ ຫວຽດນາມ.
ໃນຂະນະນັ້ນ, ຕາມການສຳຫຼວດຂອງສະຫະສະມາຄົມວິສາຫະກິດ ເອີລົບ ປະຈຳ ຫວຽດນາມ (EuroCham), EVFTA ໄດ້ຊຸກຍູ້ການສົ່ງອອກຂອງ ຫວຽດນາມ ໄປຍັງ ເອີຣົບ ຫຼາຍພໍສົມຄວນ, ຈາກ 35 ຕື້ ເອີໂຣ ໃນປີ 2019 ເພີ່ມຂຶ້ນກວ່າ 48 ຕືິ້ ເອີໂຣ ໃນປີ 2023. ການເຕີບໂຕດັ່ງກ່າວໄດ້ສະແດງໃຫ້ເຫັນຢ່າງຈະແຈ້ງໃນບັນດາຂົງເຂດ, ເຊັ່ນ: ເອເລັກໂຕນິກ, ເຄື່ອງຕຳແຜ່ນຕັດຫຍິບ, ເກີບ, ກະສິກຳ ແລະ ສິນທະເລຕາມຂັ້ນຕອນ ຫຼຸດຜ່ອນພາສີອາກອນ ເມື່ອ ສັນຍາ FTA ນີ້ມີຜົນສັກສິດ.