ທ່ານ ຫງວຽນຊວນຟຸກ ໄດ້ລົງຢ້ຽມຢາມສະຫະກອນ ຊ່ວາຍໝີເຊືອງ
(ພາບ: VGP/ກວາງຮ໋ຽວ)
(vovworld) – ໃນຂອບເຂດການປະຕິບັດງານຢູ່ແຂວງດົ່ງທາບ, ຕອນເຊົ້າວັນທີ 12/6, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຢ້ຽມຢາມ ແລະ ຖະຫວາຍທູບທຽນຢູ່ເຂດປູຊະນີຍະສະຖານທ່ານ ຫງວຽນຊິງຊັກ, ບິດາຂອງປະທານ ໂຮ່ຈີມິນ, ຢ້ຽມຢາມບາງຄອບຄົວເປົ້າໝາຍນະໂຍບາຍ.
ກໍ່ໃນຕອນເຊົ້າວັນດຽວກັນ, ທ່ານ ຫງວຽນຊວນຟຸກ ໄດ້ລົງຢ້ຽມຢາມ ແລະ ສຳຫຼວດ ບາງຮູບແບບການຜະລິດດຳເນີນທຸລະກິດໃນບໍລິເວນແຂວງ, ໃນນັ້ນມີສະຫະກອນ ຊ່ວາຍໝີເຊືອງ, ຮູບແບບຜະລິດຢູ່ບໍລິສັດຫຸ້ນສ່ວນ ຫວິີງຮ່ວາງ, ເຊິ່ງແມ່ນບໍລິສັດໄດ້ຜະລິດບັນດາຜະລິດຕະພັນເຕັກໂນໂລຢີສູງແມ່ນ Collagen ແລະ Gelatin ຈາກໜັງປາຈາ, ປາບາຊາ ນຳມາໃຫ້ປະສິດທິຜົນດ້ານເສດຖະກິດສູງ. ທີ່ການພົບປະ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຍ້ອງຍໍຊົມເຊີຍການນຳບໍລິສັດມີຄຸນນະທາດ, ກ້າຄິດກ້າທຳ, ໝູນໃຊ້ເຕັກໂນໂລຢີເພື່ອຜະລິດບັນດາຜະລິດຕະພັນມີມຸນຄ່າສູງ, ຈັດຕັ້ງການຄຸ້ມຄອງເປັນຢ່າງດີ, ມີປະສິດທິຜົນໃນການເຄື່ອນໄຫວດຳເນີນທຸລິກິດ.
ຕອນບ່າຍ, ທ່ານ ຫງວຽນຊວນຟຸກ ໄດ້ເຮັດວຽກກັບການນຳແຂວງ ດົ່ງທາບ ກ່ຽວກັບສະພາບການປະຕິບັດໜ້າທີ່ເສດຖະກິດ, ສັງຄົມ, ພິເສດແມ່ນສະພາບໄພແຫ້ງແລ້ງ, ນຳ້ເຄັມຊຶມ, ແກ້ໄຂຄວາມຫຍຸ້ງຍາກ, ຊຸກຍູ້ການຜະລິດດຳເນີນທຸລະກິດໃນບໍລິເວນແຂວງ.