ບັນດາທ່ານລັດຖະມົນຕີທີ່ກອງປະຊຸມ EAS 2
(ພາບ:anninhthudo.vn)
( vovworld ) – ວັນທີ 12/7, ຢູ່ພະນົມເປັນ ປະເທດກຳປູເຈຍ, ໄດ້ຈັດກອງປະຊຸມລັດຖະມົນຕີການຕ່າງປະເທດບັນດາປະເທດເຂົ້າຮ່ວມກອງປະຊຸມສຸດຍອດ ອາຊີຕາເວັນອອກ (EAS) ຄັ້ງທີ 2 ແລະ ເວທີປາໄສພາກພື້ນ ASEAN (ARF) ຄັ້ງທີ 19 ລວມມີ 10 ປະເທດ ASEAN ແລະ ບັນດາຄູ່ເຈລະຈາສຳຄັນຂອງ ASEAN ເຂົ້າຮ່ວມ. ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ໄດ້ເຂົ້າຮ່ວມບັນດາກອງປະຊຸມນີ້. ກ່າວຄຳເຫັນທີ່ກອງປະຊຸມເຫຼົ່ານັ້ນ, ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ເນັ້ນໜັກວ່າ: ທັງເວທີປາໄສ EASແລະ ARF ລ້ວນແຕ່ຕ້ອງປະກອບສ່ວນຢ່າງມີປະສິດທິຜົນກ່ວາອີກ ໃຫ້ແກ່ບັນດາຈຸດໝາຍລວມຂອງພາກພື້ນ.
ກ່ຽວກັບກອງປະຊຸມລັດຖະມົນຕີການຕ່າງປະເທດບັນດາປະເທດເຂົ້າຮ່ວມກອງປະຊຸມສຸດຍອດອາຊີຕາເວັນອອກ (EAS), ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ຢືນຢັນວ່າ EAS ສືບຕໍ່ແມ່ນເວທີປາໄສຂອງບັນດາການນຳ ເພື່ອໂອ້ລົມສົນທະນາ, ກຳນົດທິດທາງການຮ່ວມມືກ່ຽວກັບບັນດາບັນຫາທີ່ມີຄວາມສຳຄັນຍຸດທະສາດ, ທັງທາງດ້ານການເມືອງ, ຄວາມໝັ້ນຄົງ ແລະ ການຮ່ວມມື, ການພັດທະນາເພື່ອຜົນປະໂຫຍດລວມຂອງບັນດາປະເທດໃນພາກພື້ນ ແລະ ບົນພື້ນຖານບັນດາຈຸດໝາຍ, ຫຼັກການ ແລະ ລະບຽບການຂອງກອງປະຊຸມສຸດຍອດອາຊີຕາເວັນອອກ (EAS), ພ້ອມກັນນັ້ນ ໃນຖານະແມ່ນປັດໄຈສຳຄັນໃນໂຄງປະກອບພາກພື້ນ, EAS ຄວນຕັ້ງໜ້າປະກອບສ່ວນເຂົ້າໃນບັນດາຈຸດໝາຍລວມຄື: ສັນຕິພາບ, ຄວາມໝັ້ນຄົງ, ສະຖຽນລະພາບ ແລະ ການພັດທະນາໃນພາກພື້ນ.
ທ່ານລັດຖະມົນຕີ Pham Binh Minh ເຂົ້າຮ່ວມ ARF
(ພາບ:xaluan.com)
ກ່ຽວກັບ ເວທີປາໄສພາກພື້ນ ASEAN (ARF), ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ເນັ້ນໜັກວ່າ: ARF ຄວນສືບຕໍ່ເສີມຂະຫຍາຍບົດບາດແມ່ນເວທີປາໄສພາກພື້ນອັນດັບ 1 ດ້ານການເມືອງ-ຄວາມສະຫງົບປອດໄພ; ທີ່ກອງປະຊຸມ, ທ່ານລັດຖະມົນຕີໄດ້ແບ່ງປັນການຕີລາຄາກ່ຽວກັບສະພາບການໃນພາກພື້ນອາຊີຕາເວັນອອກ, ສະພາບການຢູ່ມ້ຽນມາ, ແຫຼມເກົາຫຼີ, ຕາເວັນອອກກາງ….
ທີ່ກອງປະຊຸມ EAS ແລະ ARF, ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ໄດ້ກ່າວຄຳເຫັນ ສະແດງຄວາມວິຕົກກັງວົນກ່ຽວກັບບັນດາການຜັນແປ່ອັນສັບສົນໃນມໍ່ໆມານີ້ຢູ່ທະເລຕາເວັນອອກ, ທີ່ໄດ້ລະເມີດສິດອະທິປະໄຕ ແລະ ສິດຕັດສິນສຳລັບເຂດເສດຖະກິດພິເສດ ແລະເຂດໄຫລ່ທະວີບຂອງບັນດາປະເທດແຄມທະເລ. ທ່ານເນັ້ນໜັກວ່າ, ປະເທດຕ່າງໆຕ້ອງເຄົາລົບບັນດາຫຼັກການຂອງກົດໝາຍສາກົນ ແລະ ສົນທິສັນຍາກົດໝາຍວ່າດ້ວຍທະເລຂອງ ສປຊ ປີ 1982…..
ໃນວັນດຽວກັນ, ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ໄດ້ພ້ອມກັບລັດຖະມົນຕີການຕ່າງປະເທດບັນດາປະເທດ ASEAN ລົງນາມໃນເອກະສານເປີກດ້ວາງສົນທິສັນຍາໄມຕີຈິດ ແລະ ຮ່ວມມືຢູ່ອາຊີຕາເວັນອອກສ່ຽງໃຕ້ (TAC) ເພື່ອໃຫ້ EU ແລະ ລາຊະອານາຈັກອັງກິດ ເຂົ້າຮ່ວມ; ທ່ານ Pham Binh Minh ພ້ອມກັບລັດຖະມົນຕີການຕ່າງປະເທດບັນດາປະເທດ ASEAN ແລະ ຄູ່ເຈລະຈາ ເຂົ້າຢ້ຽມຄ່ຳນັບທ່ານນາຍົກລັດຖະມົນຕີກຳປູເຈຍ Hun Sen.