ທ່ານພົນໂທ ຟານວັນຢາງ, ແລະ ທ່ານ ພົນເຮືອເອກ Katsutoshi Kawano

ໂດຍຮັບຄຳເຊີນຂອງທ່ານພົນເຮືອເອກ Katsutoshi Kawano ຫົວໜ້າກົມໃຫຍ່ເສນາທິການ ທະຫານປະສົມກຳລັງປ້ອງກັນຊາດ ຍີ່ປຸ່ນ, ຄະນະຜູ້ແທນການທະຫານຂັ້ນສູງກອງທັບປະຊາຊົນ ຫວຽດນາມ ໂດຍທ່ານພົນໂທ ຟານວັນຢາງ, ຫົວໜ້າກົມໃຫຍ່ເສນາທິການ, ຮອງລັດຖະມົນຕີກະຊວງປ້ອງກັນປະເທດນຳໜ້າຄະນະໄດ້ໄປຢ້ຽມຢາມຍິີ່ປຸ່ນ ໃນລະຫວ່າງວັນທີ 2 – 5 ມີນາ.

ວັນທີ 4 ມີນາ, ທ່ານພົນໂທ ຟານວັນຢາງ ແລະທ່ານພົນເຮືອເອກ Katsutoshi Kawano ໄດ້ແລກປ່ຽນແລະເຫັນດີເປັນເອກະພາບກັນການພົວພັນດ້ານປ້ອງກັນຊາດລະຫວ່າງ ຫວຽດນາມ - ຍີ່ປຸ່ນໄດ້ຮັບຄວາມເອົາໃຈໃສ່ຈາກສອງຝ່າຍຢ່າງຕັ້ງໜ້າໃນການຊຸກຍູ້ບັນດາເນື້ອໃນການຮ່ວມມືນັບມື້ນັບໄດ້ຮັບການເປີດກ້ວາງ ແລະ ມີປະສິດທິຜົນຢ່າງແທດຈິງ, ປະກອບສ່ວນເຂົ້າໃນການສ້າງສັນຕິພາບ, ສະຖຽນລະພາບຂອງ ແຕ່ລະປະເທດ ແລະ ໃນພາກພື້ນ.

  ໃນຕອນບ່າຍວັນດຽວກັນ, ທ່ານພົວໂທ ຟານວັນຢາງ ໄດ້ເຂົ້າຢ້ຽມຂໍ່ານັບ ທ່ານ Takeshi Iwaya ລັດຖະມົນຕີກະຊວງປ້ອງກັນປະເທດ ຍີ່ປຸ່ນ. ກໍ່ໃນຂອບເຂດການຢ້ຽມຢາມ, ທ່ານພົນໂທ ຟານວັນຢາງ ໄດ້ໄປຢ້ຽມຢາມຖານທັບອາກາດ Kisarazu ຂອງກຳລັງປ້ອງກັນພື້ນດິນ, ຢ້ຽມຢາມ ແລະ ໂອ້ລົມ ກັບພະນັກງານສະຖານທູດ ຫວຽດນາມ ປະຈຳ ຍີ່ປຸ່ນ.