ຜູ້ປະສົບເຄາະຮ້າຍຈາກທິດພິດສີສົ້ມ/ດີໂອຊິນຫວຽດນາມ
(ພາບ: tin247.com)
(VOV)- ສະມາຄົມນັກຮົບເກົ່າສາທາລະນະລັດຝະລັ່ງ ໄດ້ຈັດການສະແດງດົນຕີປະສານສຽງເພື່ອບໍລິຈາກເງິນຊ່ວຍເຫຼືອບ້ານມິດຕະພາບເວີນແກງ ຊື່ງແມ່ນແຫ່ງເບິ່ງແຍງດູແລ ຜູ້ປະສົບເຄາະຮ້າຍຈາກທິດພິດສີສົ້ມ/ດີໂອຊິນຫວຽດນາມ ຫຼາຍຄົນໃນຕອນຄ່ຳວັນທີ 22/11 ຢູ່ສຳນັງງານພັກກອມມູນິດຝະລັ່ງ. ທ່ານ ເຢືອງຈິຢູງ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳຝະລັ່ງ ໄດ້ສະແດງຄວາມຂອບອົກຂອບໃຈບັນດາເພື່ອນຝະລັ່ງ, ຄວາມມານະພະຍາຍາມຂອງສະມາຄົມນັກຮົບເກົ່າສາທາລະນະລັດຝະລັ່ງ, ຄະນະກຳມະການມິດຕະພາບຝະລັ່ງ ບ້ານມິດຕະພາບເວີນແກງ. ທ່ານ Raphael Vahe ປະທານສະມາຄົມນັກຮົບເກົ່າສາທາລະນະລັດຝະລັ່ງ, ປະທານຄະນະກຳມະການມິດຕະພາບຝະລັ່ງ ເພື່ອບ້ານມິດຕະພາບເວີນແກງ ເນັ້ນໜັກວ່າ:
“ຂ້າພະເຈົ້າຂໍເວົ້າວ່າ, ພາຍຫຼັງການເຊັນສັນຍາປາຣີ ເປັນເວລາ 40 ປີ, ເກືອບຄືວ່າສົງຄາມຍັງຄົງຕົວຢູ່. ຍ້ອນຜົນກະທົບຈາກທາດພິດສີສົ້ມຢ່າງໜັກໜ່ວງທີ່ສຸດ ຊື່ງໄດ້ທຳລາຍ ແລະ ມີຜົນສະທ້ອນເຖິງຫຼາຍລຸ້ນຄົນ. ບ້ານມິດຕະພາບເວີນແກງ ໄດ້ຮັບການສ້າງຂຶ້ນເພື່ອເບິ່ງແຍງດູແລບັນດາຜູ້ປະສົບເຄາະຮ້າຍຈາກທິດພິດສີສົ້ມດີໂອຊິນຢູ່ຫວຽດນາມ. ສະນັ້ນ, ພວກຂ້າພະເຈົ້າໄດ້ຮຽກຮ້ອງໃຫ້ບັນດາຊາວຝະລັ່ງ ຜູ້ມີໃຈບຸນໃຈກຸສົນ ສະໜັບສະໜູນບັນດາຜູ້ປະສົບເຄາະຮ້າຍຈາກທິດພິດສີສົ້ມດີໂອຊິນຢູ່ຫວຽດນາມ“