ທ່ານ Villy Sovndal ລັດຖະມົນຕີການຕ່າງປະເທດ ລາຊະອານາຈັກແດນມາກ (ພາບ:laodong.com.vn) (vovworld)- ໂດຍໄດ້ຮັບຄຳເຊີນຂອງທ່ານຟ້າມບິງມິງ, ລັດຖະມົນຕີການຕ່າງປະເທດຫວຽດນາມ, ທ່ານ Villy Sovndal ລັດຖະມົນຕີການຕ່າງປະເທດລາຊະອານາຈັກແດນມາກ ໄດ້ມາຢ້ຽມຢາມຫວຽດນາມ ຢ່າງເປັນທາງການແຕ່ວັນທີ 26/2-1/3. ທີ່ການພົບປະເຈລະຈາ, ສອງຝ່າຍເຫັນດີເປັນເອກະສັນນຳກັນ ຈະເພີ່ມທະວີການແລກປ່ຽນຄະນະຜູ້ແທນ ແລະ ດຳເນີນການພົບປະລະຫວ່າງການນຳຂັ້ນສູງເປັນປະຈຳ, ສ້າງກຳລັງໜູນຊຸກຍູ້ການພົວພັນສອງປະເທດໃຫ້ພັດທະນາຢ່າງເລິກເຊິ່ງກ້ວາງຂວາງ, ບັນລຸປະສິດທິຜົນ ແລະ ໝັ້ນຄົງໃນທຸກຂົງເຂດ. ສອງຝ່າຍໃຫ້ຄຳໝັ້ນສັນຍາຈະສືບຕໍ່ຊຸກຍູ້ການຮ່ວມມືດ້ານເສດຖະກິດ-ການຄ້າ-ການລົງທຶນແຮງກ່ວາອີກ. ທ່ານລັດຖະມົນຕີການຕ່າງປະເທດລາຊະອານາຈັກແບນຊິກ ໃຫ້ຮູ້ວ່າ: ລັດຖະບານແດນມາກ ພວມຕັ້ງໜ້າຜັນຂະຫຍາຍຍຸດທະສາດການເຕີບໂຕຫວຽດນາມ ເພື່ອແນໃສ່ສ້າງເງື່ອນໄຂສະດວກ ແລະ ສົ່ງເສີມບັນດານັກທຸລະກິດແດນມາກ ມາລົງທຶນ, ດຳເນີນທຸລະກິດຢູ່ຫວຽດນາມ ໃນຂົງເຂດທີ່ແດນມາກ ມີທ່າໄດ້ປຽບ ແລະ ຫວຽດນາມ ມີຄວາມຕ້ອງການ. ລັດຖະມົນຕີສອງທ່ານເຫັນດີເປັນເອກະສັນນຳກັນຈະສືບຕໍ່ຮ່ວມມືຢ່າງແໜ້ນແຟ້ນໃນບັນດາເວທີປາໄສຫຼາຍຝ່າຍ ແລະ ສາກົນ. Từ khóa: ແດນມາກ ທ່ານ Villy Sovndal