(vovworld) - ວັນທີ 07/10, ຢູ່ນະຄອນຫຼວງມົດສະກູ, ປະເທດລັດເຊຍ, ສະຖາບັນຄົ້ນຄວ້າບັນດາປະເທດຝ່າຍຕາເວນອອກ ສັງກັດສະພາມະຫາບັນດິດວິທະຍາສາດລັດເຊຍ ໄດ້ຈັດກອງປະຊຸມສຳມະນາວິທະຍາສາດດ້ວຍຫົວຂໍ້ວ່າ “ສະພາບການຢູ່ທະເລຕາເວັນອອກ ພາຍຫຼັງຄຳຕັດສິນຂອງສານອະນຸຍາໂຕຕຸລະການ (PCA) ຢູ່ລາໄຣ, ປະເທດໂຮນລັງ”. ຜ່ານບົດປະກອບຄວາມເຫັນ 10 ບົດ, ບັນດາຜູ້ແທນເຂົ້າຮ່ວມໄດ້ພ້ອມກັນປຶກສາຫາລືແງ່ມູມຫຼາຍຢ່າງ ທີ່ກ່ຽວຂ້ອງເຖິງການຂັດແຍ້ງຢູ່ທະເລຕາເວັນອອກ ຄືຄວາມໝາຍຂອງຄຳຕັດສິນຂອງ PCA ຢູ່ລາໄຣ, ປະເທດໂຮນລັງ ກ່ຽວກັບເລື່ອງຟິລິບປີນ ຮ້ອງຟ້ອງ ຈີນ ກ່ຽວກັບຄຳຮຽກສິດ “ເສັ້ນ 9 ຕອນ”, ປະຕິກິລິຍາຂອງປະຊາຄົມສາກົນສຳລັບຄຳຕັດສິນ, ທັດສະນະຂອງລັດເຊຍ ໃນການແກ້ໄຂການຂັດແຍ້ງຢູ່ທະເລຕາເວັນອອກ... ບັນດາບົດປະກອບຄວາມເຫັນລ້ວນແຕ່ຖືວ່າ, ພາຍຫຼັງຄຳຕັດສິນຂອງ PCA ເມື່ອວັນທີ 12/07 ຜ່ານມາ, ເຖິງວ່າ ຈີນ ບໍ່ຍອມຮັບຄຳຕັດສິນ ແຕ່ສະພາບການຢູ່ພາກພື້ນ ແລະ ສາກົນ ບໍ່ມີຄວາມສັບສົມອີກ, ຫາກກົງກັນຂ້າມ, ບັນດາຝ່າຍທີ່ກ່ຽວຂ້ອງເຖິງການຂັດແຍ້ງ ແລະ ນັບທັງຈີນ ໄດ້ສະໜັບສະໜູນດຳເນີນບັນດາການເຈລະຈາເພື່ອຊອກຫາການປະນິປະນອມ. ເມື່ອຂໍ້ສັງເກດກ່ຽວກັບທັດສະນະຂອງລັດເຊຍ ໃນການຂັດແຍ້ງຢູ່ທະເລຕາເວັນອອກ, ກໍຄືຄຳຕັດສິນຂອງ PCA ເມື່ອວັນທີ 12/07 ຜ່ານມາ, ທ່ານ Dimitry Mosyakov, ຫົວໜ້າສູນຄົ້ນຄວ້າອາຊີຕາເວັນອອກສ່ຽງໃຕ້, ທະວີບອົດສະຕາລີ ແລະ ທະວີບມະຫາສະມຸດ ໃຫ້ຮູ້ວ່າ, ຍາມໃດລັດເຊຍ ກໍເຄົາລົບ ແລະ ຮຽກຮ້ອງຝ່າຍຕ່າງໆແກ້ໄຂບັນດາການຂັດແຍ້ງໂດຍສັນຕິວິທີ, ບໍ່ນຳໃຊ້ອາວຸດ ແລະ ບໍ່ນາບຂູ່ນຳໃຊ້ອາວຸດ.