(ພາບປະກອບ) (vovworld) – ວັນທີ 18/5, ນະຄອນດ່ານັ້ງ ໄດ້ດຳເນີນກອງປະຊຸມສະຫຼຸບການເຄື່ອນໄຫວຂອງສາສະໜາຄຮິດ ແລະ ສາສະໜາກາວດ່າຍ ຄັ້ງທີ 6. ກ່າວຄວາມເຫັນທີ່ກອງປະຊຸມ, ທ່ານຮອງຫົວໜ້າຄະນະປະຈຳຄະນະສາສະໜາລັດຖະບານ ຫງວຽນແທງຊວນ ເນັ້ນໜັກວ່າ: ກອງປະຊຸມນີ້ນັບມື້ນັບເສີມຂະຫຍາຍບົດບາດອັນຕັ້ງໜ້າໃນບັນດາການເຄື່ອນໄຫວສາສະໜາ, ພ້ອມກັນເຂົ້າຮ່ວມການເຄື່ອນໄຫວມະນຸດສະທຳ, ການກຸສົນສັງຄົມ, ການສຶກສາບຳລຸງສ້າງ. ທ່ານຮອງຫົວໜ້າຄະນະປະຈຳຄະນະສາສະໜາລັດຖະບານ ຫງວຽນແທງຊວນ ຫວັງວ່າ ດ້ວຍມູນເຊື້ອແຫ່ງຄວາມສາມັກຄີຮັກແພງກັນ ສາສະໜາຄຮິດ ແລະ ສາສະໜາກາວດ່າຍ ຈະປະຕິບັດສຳເລັດໜ້າທີ່ທີ່ໄດ້ວາງອອກ, ກາຍເປັນສູນແຫ່ງຄວາມສາມັກຄີ, ແນະນຳຜູ້ມີຍົດຖາບັນດາສັກ, ສາສະນິກະຊົນຂອງສາສະໜາກາວດ່າຍ ເຄື່ອນໄຫວສາສະໜາຕິດພັນກັບການເຄື່ອນໄຫວສັງຄົມ ຕາທິດນຳທີ່ວ່າ ”ປະເທດຈະເລີນ, ສາສະໜາເຕີບໂຕ”, ປະກອບສ່ວນພ້ອມກັບປະຊາຊົນສ້າງສາປະເທດຊາດໃຫ້ນັບມື້ນັບຮັ່ງມີເຂັ້ມແຂງ. ຫົວໜ້າຄະນະປະຈຳສາສະໜາກາວດ່າຍ ເທື້ອງເຫົ້າແທງ ໄດ້ກ່າວຄວາມເຫັນໂດຍເນັ້ນໜັກວ່າ: “ລັດເອົາໃຈໃສ່ເຖິງສິດເສລີໃນການເຫຼື້ອມໃສ , ການເຄື່ອນໄຫວສາສະໜາ ແລະ ການພັດທະນາຂອງສາສະໜາຕ່າງໆໃນທົ່ວປະເທດ. ສາສະໜາກາວດ່າຍ ກໍ່ພັດທະນາພ້ອມກັບການປ່ຽນໃໝ່ ແລະ ພັດທະນາຂອງປະເທດ“. ກອງປະຊຸມໄດ້ສຸມໃສ່ປຶກສາຫາລື ແລະ ຮັບຮອງເອົາບົດລາຍງານສະຫຼຸບການເຄື່ອນໄຫວສາສະໜາຂອງສາສະໜາຄຮິດ ແລະ ສາສະໜາກາວດ່າຍ ກໍ່ຄືເນື້ອໃນຈຳນວນໜຶ່ງ. Từ khóa: ສາສະໜາ
ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ເຂົ້າຮ່ວມ ພິທີປຸກລະດົມເດືອນກະທຳເພື່ອເດັກນ້ອຍ ປີ 2024