 ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ໂຕແອັງຢຸງ ແລະ ທ່ານນາງລັດຖະມົນຕີການຕ່າງປະເທດ ຣູມານີ Monica Gheorighita (ພາບ: baoquocte.vn) |
ທ່ານຮອງລັດຖະມົນຕີ ໂຕແອັງຢຸງ ຢືນຢັນ: ຍາມໃດ ຫວຽດນາມ ກໍຖືເປັນສໍາຄັນການປັບປຸງ ແລະ ພັດທະນາການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ຣູມານີ; ຫວຽດນາມ ພ້ອມແລ້ວ ສວມບົດບາດເປັນຂົວຕໍ່ ເພີ່ມທະວີການຮ່ວມມືລະຫວ່າງ ຣູມານີ ແລະ ອີຢູ ກັບ ອາຊຽນ ໃນສະພາບການຫວຽດນາມ ຈະເປັນປະທານ ອາຊຽນ ໃນປີ 2020. ທ່ານນາງລັດຖະມົນຕີການຕ່າງປະເທດ ຣູມານີ Monica Gheorighita ຢືນຢັນ ລັດຖະບານ ຣູມານີ ຕີລາຄາສູງບັນດາຜົນງານ ແຫ່ງການພັດທະນາເສດຖະກິດ-ສັງຄົມ ແລະ ການເຊື່ອມໂຍງເຂົ້າກັບສາກົນຂອງຫວຽດນາມ ໃນຊຸມປີມໍ່ໆມານີ້ ພ້ອມທັງຖືເປັນສໍາຄັນການຊຸກຍູ້ຮ່ວມມືກັບຫວຽດນາມ ເປັນຕົ້ນໃນຂົງເຂດການຄ້າ, ການລົງທຶນ. ສອງຝ່າຍເຫັນດີ ເພີ່ມທະວີການແລກປ່ຽນຄະນະຜູ້ແທນ ແລະ ການພົບປະລະຫວ່າງການນໍາຂັ້ນສູງສອງປະເທດເປັນປະຈໍາ, ສືບຕໍ່ຜັນຂະຫຍາຍປະສິດທິຜົນກົນໄກການປຶກສາຫາລືດ້ານການເມືອງຂັ້ນຫົວໜ້າກົມ, ລັດຖະມົນຕີລະຫວ່າງສອງກະຊວງການຕ່າງປະເທດ. ສອງຝ່າຍເຫັນດີ ເພີ່ມທະວີການຮ່ວມມືໃນຂົງເຂດກະສິກໍາ, ການສຶກສາ, ແຮງງານ.