(vovworld) - ຕອນເຊົ້າວັນທີ 27/9, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດກອງປະຊຸມຄັ້ງທີ່ໜຶ່ງ, ເພື່ອຍົກອອກຄຳຄິດຄຳເຫັນ ແລະ ຂໍ້ສະເໜີແນະຂອງປະຊາຊົນຕໍ່ພັກ, ລັດ, ແນວໂຮມປະເທດຊາດຫວຽດນາມ ກ່ຽວກັບບັນດາບັນຫາເສດຖະກິດ, ສັງຄົມ. ກ່າວຄຳເຫັນທີ່ກອງປະຊຸມ, ທ່ານ Vu Trong Kim, ຮອງປະທານ, ທັງເປັນເລຂາທິການໃຫຍ່ຄະນະກຳມະການແນວໂຮມປະເທດຊາດຫວຽດນາມ ໄດ້ຖືວ່າ; ກອງປະຊຸມແມ່ນສະຖານທີ່ເພື່ອຜູ້ຕາງໜ້າປະຊາຊົນທຸກຊັ້ນວັນນະ ໂດຍຜ່ານແນວໂຮມປະເທດຊາດ ປະກອບຄຳເຫັນໃຫ້ແກ່ພັກ, ລັດ ໃນບັນດາບັນຫາທີ່ກ່ຽວຂ້ອງເຖິງການພັດທະນາເສດຖະກິດ, ສັງຄົມ. ທ່ານ Vu Trong Kim ກ່າວວ່າ:
“ພວກຂ້າພະເຈົ້າພ້ອມແລ້ວ ສ້າງເງື່ອນໄຂໃຫ້ແກ່ປະຊາຊົນສະແດງສຽງເວົ້າຂອງປະຊາຊົນທຸກຊັ້ນວັນນະ. ບັນດາການກະທຳຢ່າງລະອຽດ, ດ້ວຍຄຳຕອບທີ່ເປີດເຜີຍ, ປະຊາທິປະໄຕຈາກບັນດາອົງການທີ່ມີໜ້າທີ່ຮັບຜິດຊອບກ່ຽວກັບຂໍ້ສະເໜີແນະຂອງແນວໂຮມປະເທດຊາດນັ້ນ ແນ່ນອນວ່າ ຈະນຳມາເຊິ່ງຄວາມໄວ້ເນື້ອເຊື່ອໃຈ, ຄວາມເຫັນດີເຫັນພ້ອມ ແລະ ການແບ່ງປັນຂອງປະຊາຊົນທຸກຊັ້ນວັນນະ. ເພາະສະນັ້ນ, ກຳລັງແຮງຂອງປະຊາຊົນຈະເພີ່ມຂຶ້ນທົບຫຼາຍເທົ່າ, ພ້ອມກັນແບກຫາບວຽກງານລວມຂອງປະເທດຊາດ”.