(ກອງປະຊຸມຄັ້ງທີ 13 ຂອງຄະນະປະທານຄະນະກຳມະການສູນກາງ ແນວໂຮມປະເທດຊາດຫວຽດນາມ) (vovworld) - ກ່າວຄຳເຫັນທີ່ກອງປະຊຸມຄັ້ງທີ 13 ຂອງຄະນະປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ເຊິ່ງຖືກໄຂຂຶ້ນໃນຕອນເຊົ້າວັນທີ 12/01 ທີ່ຮ່າໂນ້ຍ, ທ່ານປະທານ ຫງວຽນທ້ຽນເຍີນ ເນັ້ນໜັກວ່າ: ປີ 2013 ແມ່ນປີທີ່ສະພາແຫ່ງຊາດຮັບຮອງເອົາລັດຖະທຳມະນູນ (ສະບັບປັບປຸງ) ແລະ ກົດໝາຍວ່າດ້ວຍທິ່ດິນ (ສະບັບປັບປຸງ). ນີ້ແມ່ນບາດກ້າວສຳຄັນໃນການສ້າງລະບອບການເມືອງ ແລະ ເສດຖະກິດສັງຄົມໃຫ້ສົມບູນແບບ, ສ້າງປະຖົມປັດໃຈໃໝ່ໃຫ້ການຍົກສູງທີ່ຕັ້ງ, ໜ້າທີ່ຮັບຜິດຊອບ ແລະ ຄວາມສາມາດປະກອບສ່ວນຂອງແນວໂຮມປະເທດຊາດຫວຽດນາມ ໃຫ້ແກ່ການພັດທະນາຂອງປະເທດຊາດ. ເຊິ່ງຕາມນັ້ນແລ້ວ, ທ່ານປະທານ ຫງວຽນທ້ຽນເຍີນ ສະເໜີວ່າ: ປີ 2014, ບັນດາອົງການແນວໂຮມປະເທດຊາດທຸກຂັ້ນ ຕ້ອງປ່ຽນໃໝ່ເນື້ອໃນວິທີການເຄື່ອນໄຫວ ເພື່ອເສີມຂະຫຍາຍທ່າແຮງສັງລວມຂອງບັນດາພາຫະນະສື່ມວນຊົນ; ສ້າງລະບົບຮັບເອົາຄຳເຫັນຈາກປະຊາຊົນກ່ຽວກັບສະພາບການຂອງປະເທດ ແລະ ບັນດາທ້ອງຖິ່ນ, ຜັນຂະຫຍາຍບັນດາມາດຕະການແກ້ໄຂໃໝ່ເພື່ອປະຕິບັດໜ້າທີ່ເຕົ້າໂຮມ ແລະ ເສີມຂະຫຍາຍບັນດາຂໍ້ລິເລີ່ມຂອງປະຊາຊົນທຸກຊັ້ນວັນນະ ແລະ ຊາວຫວຽດນາມ ອາໄສຢູ່ຕ່າງປະເທດໃຫ້ດີກວ່າ ເພື່ອສ້າງສາ ແລະ ປົກປັກຮັກສາປເທດຊາດ. ທີ່ກອງປະຊຸມ, ບັນດາຜູ້ແທນໄດ້ສຸມໃສ່ປຶກສາຫາລື, ຕີລາຄາກ່ຽວກັບໝາກຜົນວຽກງານແນວໂຮມປະເທດຊາດປີ 2013 ແລະ ໂຄງການສົມທົບກັນເປັນເອກະພາບເຄື່ອນໄຫວຂອງຄະນະກຳມະການສູນກາງແນວໂຮມປະເທດຊາດຫວຽດນາມ ປີ 2014. Từ khóa: vovworld vov ແນວໂຮມປະເທດຊາດ