ທ່ານລັດຖະມົນຕີການຕ່າງປະເທດ ຕວັກກີ Hakan Fidan (ພາບ: AP)

        ວັນທີ 03 ພະຈິກ, ກະຊວງການຕ່າງປະເທດ ຕວັກກີ ໃຫ້ຮູ້ວ່າ, ປະເທດນີ້ ແລະ ກວ່າ 50 ປະເທດໄດ້ຍື່ນຈົດໝາຍຕໍ່ສະຫະປະຊາຊາດ ຮຽກຮ້ອງໃຫ້ຢຸດຕິການສະໜອງອາວຸດໃຫ້ແກ່ ອິດສະຣາແອັນ.

        ກ່າວຄຳເຫັນທີ່ການປະຊຸມຖະແຫຼງຂ່າວຢູ່ Djibouti, ທີ່ນອກກອງປະຊຸມສຸດຍອດ ຕວັກກີ - ອາຟະລິກາ, ທ່ານລັດຖະມົນຕີການຕ່າງປະເທດ ຕວັກກີ Hakan Fidan, ແຈ້ງໃຫ້ຊາບວ່າ, ວັນທີ 01 ພະຈິກ, ກະຊວງການຕ່າງປະເທດນີ້ ໄດ້ຍື່ນຈົດໝາຍສະບັບໜຶ່ງຕໍ່ສະຫະປະຊາຊາດທີ່ມີລາຍເຊັນຂອງ 52 ປະເທດ ແລະ 2 ອົງການຈັດຕັ້ງສາກົນ, ໃນຈຳນວນບັນດາປະເທດເຊັນໃນຈົດໝາຍ, ມີ: ອາຣັບບີ ຊະອຸດີ, ບຣາຊິນ, ອານເຊຣີ, ຈີນ, ອີຣານ ແລະ ລັດເຊຍ. 2 ອົງການທີ່ພ້ອມເຂົ້າຮ່ວມການເຊັນດັ່ງກ່າວແມ່ນ, ສະຫະພັນບັນດາປະເທດ ອາຣັບ (AL) ແລະ ອົງການຮ່ວມມື ອິດສະລາມ (OIC).

        ຕາມການສະຖິຕິຍັງບໍ່ທັນຄົບຖ້ວນນັ້ນ, ບັ້ນບຸກໂຈມຕີຄັ້ງໃຫຍ່ຂອງກອງທັບ ອິດສະຣາແອັນ ໃສ່ເຂດ ກາຊາ ນັບແຕ່ວັນທີ 07 ຕຸລາ 2023 ເຮັດໃຫ້ມີຜູ້ເສຍຊີວິດປະມານ 43.000 ຄົນ, ຜູ້ຮັບບາດເຈັບເກືອບ 100.000 ຄົນ, ໃນນັ້ນ, ແມ່ຍິງ ແລະ ເດັກນ້ອຍກວມເອົາປະມານ 70%.