 ພາບປະກອບ: SKY NEWS |
ວັນທີ 6 ຕຸລາ, ອົງການສົນທິສັນຍາອັດລັງຕິກເໜືອ (NATO) ໄດ້ຮຽກຮ້ອງໃຫ້ຄະນະປະຕິບັດງານ ລັດເຊຍ ຫຼຸດຜ່ອນ ຈຳນວນ ຜູ້ຕາງໜ້າຢູ່ອົງການນີ້ລົງເຄິ່ງໜຶ່ງ ດ້ວຍຂໍ້ກ່າວຫາວ່າມີການກະທຳສອດແນມ, ເຊິ່ງແມ່ນການກະທຳທີ່ອາດຈະເຮັດໃຫ້ ຄວາມເຄັ່ງຕຶງ ໃນການພົວພັນກັບລັດເຊຍປິນຂັ້ນໄດ.
ຜູ້ຕາງໜ້າຂອງ NATO ໄດ້ກຳນົດວ່າ ພະນັກງານສອດແນມ 8 ຄົນທີ່ຢູ່ໃນນາມເປັນນັກການທູດ ຈະຖືກເນລະເທດ ພ້ອມທັງ 2 ຕຳແໜ່ງອື່ນອີກໃນຄະນະປະຕິບັດງານຂອງ ລັດເຊຍ ປະຈຳຢູ່ NATO. ຝ່າຍ NATO ກໍ່ອະທິບາຍວ່າ ໄດ້ມານະພະຍາຍາມສະກັດກັ້ນການກະທຳທີ່ມີລັກສະນະເກາະຜິດຈາກຝ່າຍ ລັດເຊຍ ແລະ ການຕັດສິນດັ່ງກ່າວ ພຽງແຕ່ມີລັກສະນະປ້ອງກັນຕົວ.
ຜູ້ຕາງໜ້າຂອງ NATO ໃຫ້ຮູ້ວ່າ ສະມາຊິກທີ່ຖືກເນລະເນຂອງ ລັດເຊຍ ຈະຕ້ອງເດີນທາງອອກຈາກ ບຣູກແຊນກ່ອນເດືອນພະຈິກ 2021 ໂດຍແມ່ນບ່ອນທີ່ມີສຳນັກງານໃຫຍ່ຂອງ NATO ຕັ້ງຢູ່, ພ້ອມທັງຢັ້ງຢືນວ່າ ຍາມໃດກໍ່ຮັກສານະໂຍບາຍສະເໝີຕົ້ນສະເໝີປາຍ ກັບລັດເຊຍ ແລະ ກຽມພ້ອມໃຫ້ແກ່ທຸກການເຈລະຈາທີ່ຕັ້ງໜ້າ.