 ທ່ານນາງເອກອັກຄະລັດຖະທູດ ເລທິຕວຽດມາຍ |
ຫວ່າງມໍ່ໆມານີ້, ຢູ່ສຳນັກງານຂອງອົງການແຮງງານສາກົນ (ILO), ທ່ານນາງເອກອັກຄະລັດຖະທູດ ເລທິຕວຽດມາຍ, ຫົວໜ້າຄະນະຜູ້ຕາງໜ້າ ຫວຽດນາມ ຢູ່ຂ້າງສປຊ, ອົງການຈັດຕັ້ງການຄ້າໂລກ ແລະ ບັນດາອົງການຈັດຕັ້ງສາກົນອື່ນໆ ຢູ່ເຊີແນວ (ສະວິດ) ໄດ້ການພົບປະກັບທ່ານ Gilbert F. Houngbo ຜູ້ອຳນວຍການໃຫຍ່ຄົນໃໝ່ຂອງ ILO. ທ່ານນາງເອກອັກຄະລັດຖະທູດ ເລທິຕວຽດມາຍ ແຈ້ງໃຫ້ ທ່ານຜູ້ອຳນວຍການໃຫຍ່ ILO ກ່ຽວກັບຄວາມມານະພະຍາຍາມຂອງ ຫວຽດນາມ ໃນການເຂົ້າຮ່ວມຂອງບັນດາອານຸສັນຍາຂອງ ILO, ຜັນຂະຫຍາຍບັນດາໂຄງການ, ລາຍການກ່ຽວກັບການຄຸ້ມຄອງແຮງງານ ແລະ ວຽກເຮັດງານທຳຢ່າງສົມເຫດສົມຜົນ.
ທ່ານຜູ້ອຳນວຍການໃຫຍ່ ILO ໄດ້ສະແດງຄວາມປະທັບໃຈຕໍ່ຜົນສຳເລັດດ້ານເສດຖະກິດ - ສັງຄົມ ເຊິ່ງ ຫວຽດນາມ ບັນລຸໄດ້, ສະແດງຄວາມຊົມເຊີຍຕໍ່ເລື່ອງຫວຽດນາມ ໄດ້ຮັບການເລືອກຕັ້ງເປັນສະມາຊິກສະພາສິດທິມະນຸດ ອາຍຸການ 2023 – 2025, ຕີລາຄາສູງບັນດາຄວາມຄືບໜ້າຂອງ ຫວຽດນາມ ໃນການປະຕິບັດກົດໝາຍວ່າດ້ວຍແຮງງານໃຫ້ສົບບູນແບບ, ເຂົ້າຮ່ວມບັນດາສົນທິສັນຍາຂອງ ILO ແລະ ປະຕິບັດບັນດາມາດຖານແຮງງານສາກົນ.