ວັນທີ 30 ກໍລະກົດ, ບັນດາການນຳປະຊາຄົມເສດຖະກິດບັນດາປະເທດ ອາບຟຣີກາ ຕາເວັນຕົກ (ECOWAS) ໄດ້ຈັດກອງປະຊຸມສຸດຍອດດ່ວນຂອງ ECOWAS ຢູ່ນະຄອນຫຼວງ Abuja, ປະເທດ ນີເຊຣີ. ໃນຖະແຫຼງການຮ່ວມທີ່ໄດ້ຍົກອອກມາພາຍຫຼັງກອງປະຊຸມ, ECOWAS ໃຫ້ເວລາອາທິດໜຶ່ງແກ່ອຳນາດການປົກຄອງການທະຫານຂອງ ນີເຊ ເພື່ອປະລະສິດອຳນາດ, ປ່ອຍຕົວເປັນອິດສະຫຼະ ແລະ ຟື້ນຟູຕຳແໜ່ງໃຫ້ທ່ານປະທານາທິບໍດີ Mohamed Bazoum ທີ່ຖືກຈັບຕົວໃນວັນທີ 26 ກໍລະກົດຜ່ານມາ. ພ້ອມນັ້ນ, ອົງການນີ້ກໍ່ປະກາດຈັດວາງຄຳສັ່ງລົງໂທດດ້ານການເງິນຕໍ່ກັບ ນີເຊ, ຕາມນັ້ນແລ້ວ ກໍ່ໄດ້ຢຸດທຸກການທະລຸກຳດ້ານການຄ້າ, ການເງິນລະຫວ່າງບັນດາປະເທດ ECOWAS ແລະ ນີເຊ.

        ວັນທີ 26 ກໍລະກົດຜ່ານມາ, ບັນດາທະຫານນີເຊ ໄດ້ໂຄ່ນລົ້ມ ທ່ານ Bazoum, ປະທານາທິບໍດີທີ່ໄດ້ຮັບເລືອກຕັ້ງແບບປະຊາທິປະໄຕ  ແລະ ກັກຂັງທ່ານໃນທຳນຽບປະທານາທິບໍດີ, ພ້ອມທັງປິດຊາຍແດນ ແລະ ປະກາດກົດໄອຍະການເສິກໃນທົ່ວປະເທດ.