ຕາມຕົວເລກສະຖິຕິຈາກພະແນກທ່ອງທ່ຽວ ຮ່າໂນ້ຍ ແລ້ວ, ໃນໄຕມາດທີ 1 ປີ 2023, ມີນັກທ່ອງທ່ຽວເກືອບ 6 ລ້ານເທື່ອຄົນມາຢ້ຽມຢາມນະຄອນຫຼວງ ຮ່າໂນ້ຍ. ຕົວເລກນີ້ໄດ້ເພີ່ມຂຶ້ນສູງ ຖ້າຫາກຄິດໄລ່ຮອດເດືອນ ເມສາ 2023, ມີປະມານກວ່າ 8 ລ້ານເທື່ອຄົນ. ສະເພາະແຂກທ່ອງທ່ຽວສາກົນແມ່ນປະມານ 1,44 ລ້ານເທື່ອຄົນ, ເພີ່ມຂຶ້ນເກືອບ 18 ເທົ່າເມື່ອທຽບໃສ່ໄລຍະດຽວກັນຂອງປີ 2022. ຍອດລາຍຮັບຈາກແຂກທ່ອງທ່ຽວໃນເດືອນ ເມສາ ບັນລຸປະມານ 362 ລ້ານ USD, ເພີ່ມຂຶ້ນ 54,2% ເມື່ອທຽບໃສ່ໄລຍະດຽວກັນຂອງປີ 2022. ສະເພາະໃນເດືອນ ເມສາ 2023, ຈຳນວນແຂກທ່ອງທ່ຽວມາ ຮ່າໂນ້ຍ ເພີ່ມຂຶ້ນທົບ 7 ເທົ່າ ເມື່ອທຽບໃສ່ໄລຍະດຽວກັນຂອງປີ 2022. ແຂກທ່ອງທ່ຽວໄປຢ້ຽມຊົມຖະໜົນຫົນທາງ, ບັນດາເຂດປູຊະນີຍະສະຖານປະຫວັດສາດ, ວັດທະນະທຳຢູ່ນະຄອນຫຼວງ ຢ່າງສະດວກສະບາຍ. ຈຳນວນແຂກທ່ອງທ່ຽວ ອາຊີ ມາ ຮ່າໂນ້ຍ ກວມເອົາສ່ວນຫຼາຍ. ເຂດຄຸ້ມຖະໜົນເມືອງເກົ່າແມ່ນສະຖານທີ່ເຊິ່ງແຂກທ່ອງທ່ຽວສາກົນນິຍົມທີ່ສຸດເມື່ອມາ ຮ່າໂນ້ຍ. ແຂກທ່ອງທ່ຽວໄປເລາະຫຼີ້ິ້ນຢູ່ຖະໜົນສາຍຕ່າງໆ, ນັ້ນແມ່ນບັນດາພາບພົດທີ່ລື້ງເຄີຍຄືໄລຍະກ່ອນເກີດໂລກລະບາດໂຄວິດ-19. Từ khóa: ຕອບກັບ ສົ່ງ Xem thêm