បន្ទាប់ពីសាងសង់អស់រយៈពេលជិតមួយឆ្នាំ នាដើមឆ្នាំ២០២៣នេះ ស្ពានអាកាសនៅចំណុចប្រសព្វលេខ ៥៥០ នៅលើផ្លូវ DT.៧៤៣ ដែលជាកំណាត់ឆ្លងកាត់ទីក្រុង Di An និងទីក្រុង Thuan An ខេត្ត Binh Duong បានបើកចរាចរណ៍។  ស្ពាននេះមានប្រវែងជាង២០៣ម៉ែត្រ មាន៤គន្លង និងមានតម្លៃសាងសង់ប្រមាណ១១៥ពាន់លានដុង (៤,៧លានដុល្លារអាមេរិក) ។ ចំណុចប្រសពលេខ ៥៥០ គឺជាចំណុចតភ្ជាប់មណ្ឌលឧស្សាហកម្មជាច្រើនក្នុងខេត្ត ហើយចំណុចតភ្ជាប់ចរាចរណ៍ទៅកាន់ទីក្រុង Dong Nai និងទីក្រុងហូជីមិញ  ដូច្នេះជារឿយៗមានការកកស្ទះចរាចរណ៍។ នៅចំពោះមុខស្ថានភាពនេះ ការដាក់ឱ្យប្រើប្រាស់ស្ពានអាកាសនេះ នឹងជួយសម្រួលដល់ស្ថានភាពចរាចរណ៍នៅតំបន់នេះ ។ លោក Le Van Huu ជាប្រជាពលរដ្ឋដែលតែងតែធ្វើដំណើរលើផ្លូវនេះបានឲ្យដឹងថា៖

“នៅទីនេះ អស់រយៈពេលជាច្រើនឆ្នាំ ត្រូវបានគេចាត់ទុកថាជា "ចំណុចក្តៅ" អំពីការកកស្ទះចរាចរណ៍។ ការកកស្ទះចរាចរណ៍យ៉ាងខ្លាំងប៉ះពាល់ដល់ការធ្វើដំណើរនិងចរាចរណ៍ក្នុងតំបន់។ នៅពេលដែលស្ពាននេះត្រូវបានដាក់ឱ្យដំណើរការ យើងបានឃើញការផ្លាស់ប្តូរយ៉ាងច្បាស់ ហើយការកកស្ទះចរាចរណ៍នៅផ្លូវបំបែកនេះលែងកើតមានទៀតហើយ”។

ស្ពានតភ្ជាប់ខេត្ត Binh Duong និងខេត្ត Tay Ninh ត្រូវបានបញ្ចប់ការសាងសង់នៅដើមឆ្នាំ ២០២៣។

ភាពសប្បាយរីករាយគឺជាអារម្មណ៍រួមរបស់ប្រជាជន និងអង្គភាពអាជីវកម្មនៅក្នុងខេត្ត Binh Duong នៅពេលដែលផ្លូវ DT.៧៤៦ លាតសន្ធឹងពីផ្លូវប្រសព្វ Tan Thanh (ស្រុក Bac Tan Uyen) ដល់ផ្លូវប្រសព្វ Hoi Nghia (ទីប្រជុំជន Tan Uyen) បានចាប់ផ្តើមការសាងសង់ ដោយពង្រីកពីគន្លងផ្លូវចំនួន ២ ទៅដល់ ៦ ផ្លូវ ដែលមានប្រវែង ១១,៤ គីឡូម៉ែត្រ។ នេះគឺជាផ្លូវសំខាន់ទៅកាន់មណ្ឌលឧស្សាហកម្ម VSIP III ប៉ុន្តែមានលក្ខណៈតូចចង្អៀតបន្តិច ដែលបណ្តាលឲ្យមានការលំបាកក្នុងការដឹកជញ្ជូន និងការចរាចរទំនិញ។ ដូច្នេះហើយ នៅពេលដែលខេត្ត Binh Duong អនុវត្តគោលនយោបាយពង្រីកផ្លូវនេះ ប្រជាពលរដ្ឋជាង ១០០០ គ្រួសារបានឯកភាពគាំទ្រ និងអនុវត្តគោលនយោបាយប្រគល់ដីធ្លីជូនអ្នកវិនិយោគគម្រោង  ដោយសង្ឃឹមថា ផ្លូវនេះនឹងរួចរាល់ក្នុងពេលឆាប់ៗនេះ។ លោកស្រី Truong Thi Minh Trang រស់នៅសង្កាត់ទី៥ Hoi Nghia Ward បានចែករំលែកថា៖

“ប្រសិនបើគម្រោងផ្លូវនេះត្រូវបានបញ្ចប់ សង្ឃឹមថា ទីប្រជុំជនរបស់យើងនឹងមានផ្លូវចរាចរដូចទៅនឹងតំបន់ផ្សេងៗ របស់សង្កាត់ Hoi Nghia ព្រោះ រហូតមកដល់ពេលនេះ ទីប្រជុំជនរបស់យើងមិនទាន់មានការអភិវឌ្ឍន៍ដូចគេទេ។ យើងជឿជាក់ថា មុខមាត់សង្កាត់ Hoi Nghia នឹងផ្លាស់ប្តូរយ៉ាងច្បាស់លាស់ ហើយ ប្រជាជននឹងមានឱកាសជាច្រើនសម្រាប់ការអភិវឌ្ឍន៍សេដ្ឋកិច្ច ជាពិសេសសេវាកម្ម”។

ដើម្បីជំរុញការអភិវឌ្ឍហេដ្ឋារចនាសម្ព័ន្ធដឹកជញ្ជូនក្នុងខេត្ត, Binh Duong កំពុងបន្តអនុវត្តគម្រោង BOT ដោយលើកកំពស់ និងពង្រីកផ្លូវជាតិលេខ ១៣; មានគម្រោងលំអរ    ទេសភាព និងទប់ស្កាត់ការកកស្ទះចរាចរណ៍នៅផ្លូវ My Phuoc-Tan Van; បញ្ចប់ផ្លូវ  Bac Tan Uyen -Phu Giao-Bau Bang; ធ្វើឱ្យប្រសើរឡើងផ្លូវ DT.៧៤៦, DT.៧៤៧B, DT.៧៤៣។ ម្យ៉ាងវិញទៀត ដើម្បីពន្លឿនការអនុវត្តគម្រោងដឹកជញ្ជូន ថ្នាក់ដឹកនាំខេត្ត Binh Duong បានបញ្ជាណែនាំអំពីការបង្កើត និងថែទាំសកម្មភាពជាប្រចាំរបស់ក្រុមការងារ ត្រួតពិនិត្យ និងដឹកនាំការអនុវត្តគម្រោងដឹកជញ្ជូនសំខាន់ៗមួយចំនួន។ លោកស្រី Nguyen Thi My Hang លេខាគណៈកម្មាធិការបក្សស្រុក Phu Giao ខេត្ត Binh Duong បានឲ្យដឹងថា ប្រជាជនកំពុងទន្ទឹងរង់ចាំដំណើរការសាងសង់ និងគុណភាពនៃគម្រោងផ្លូវ  Bac Tan Uyen-Phu Giao-Bau Bang។ ដូច្នេះហើយ អាជ្ញាធរមូលដ្ឋានគ្រប់លំដាប់ថ្នាក់ត្រូវតាមដានយ៉ាងយកចិត្តទុកដាក់លើការអនុវត្ត លុបបំបាត់ការកកស្ទះយ៉ាងឆាប់រហ័ស ដោយខិតខំបញ្ចប់កំណាត់ផ្លូវឆ្លងកាត់ Phu Giao ឲ្យបានមុនខែធ្នូ ឆ្នាំ២០២៣៖

“នេះគឺជាផ្លូវដ៏សំខាន់មួយឆ្លងកាត់តំបន់ Phu Giao។ ជាមួយនឹងការប្តេជ្ញាចិត្តរបស់គណៈកម្មាធិការបក្ស និងប្រជាជនខេត្ត Phu Giao កំណាត់ផ្លូវនេះកំពុងមានការរីកចម្រើនយ៉ាងឆាប់រហ័ស ហើយព្យាយាមបញ្ចប់មុនពេលវេលាដែលបានគ្រោងទុក”។

ស្ពានអាកាសលេខ ៥៥០ ត្រូវបានដាក់ឱ្យដំណើរការ ដើម្បីកាត់បន្ថយការកកស្ទះចរាចរណ៍នៅលើផ្លូវ DT.៧៤៣ និងផ្លូវបំបែកលេខ ៥៥០។ រូបភាព៖ Thien Ly

ជំរុញការតភ្ជាប់ក្នុងតំបន់

ដើម្បីបង្កើតកម្លាំងចលករសម្រាប់ការអភិវឌ្ឍអន្តរតំបន់ ក្រៅពីការដាក់ឱ្យប្រើប្រាស់ស្ពានតភ្ជាប់ផ្លូវ DT.៧៤៤ នៃទីក្រុង Dau Tieng ស្រុក Dau Tieng ជាមួយគម្រោងផ្លូវ Dat Set-Ben Cui ចំណុះស្រុក Duong Minh Chau ស្រុក Tay Ninh,   ខេត្ត Binh Duong ក៏កំពុងផ្តោតការយកចិត្តទុកដាក់លើការជំរុញការអនុវត្តគម្រោងនានាដូចជា៖ ផ្លូវខ្សែក្រវាត់ក្រុងទី៣ ខ្សែក្រវ៉ាត់ក្រុងទី ៤ ផ្លូវល្បឿនលឿនទីក្រុងហូជីមិញ-Thu Dau Mot-Chon Thanh; សម្របសម្រួលជាមួយមូលដ្ឋានអនុវត្តគម្រោងស្ពាន Bach Dang ២ តភ្ជាប់ខេត្ត Binh Duong មនិងខេត្ត Dong Nai...។ លោក Vo Van Minh ប្រធានគណៈកម្មាធិការប្រជាជនខេត្ត Binh Duong បានឲ្យដឹងថា ដើម្បីមានប្រភពធនធានសម្រាប់វិនិយោគលើហេដ្ឋារចនាសម្ព័ន្ធដឹកជញ្ជូន Binh Duong កំពុងអនុវត្តវិធានការជាច្រើនដែរ៖

“ខេត្តនឹងប្រមូលផ្តុំប្រភពប្រាក់ចំណូល តាមរយៈការពិនិត្យ និងដេញថ្លៃមូលនិធិដីសាធារណៈមួយចំនួន អភិវឌ្ឍន៍តំបន់ទីក្រុង និងតំបន់លំនៅដ្ឋានតាមដងផ្លូវ ដោយហេតុនេះ ប្រមូលតម្លៃប្រើប្រាស់ដីមួយចំនួន តាមរយៈនោះ រួមវិភាគទានបម្រើការវិនិយោគ និងការសាងសង់ហេដ្ឋារចនាសម្ព័ន្ធ។ ប្រភពសង្គមភាវូបនីយកម្មមានសារៈសំខាន់ណាស់ក្នុងការអភិវឌ្ឍន៍ហេដ្ឋារចនាសម្ព័ន្ធដឹកជញ្ជូន តាមនោះ ខេត្តបន្តអនុវត្តគម្រោង BOT លើផ្លូវជាតិលេខ១៣ គម្រោង OM, BOT នៅលើផ្លូវ My Phuoc-Tan Van ដើម្បីកៀរគរធនធានវិនិយោគពីអង្គភាពអាជីវកម្មសម្រាប់ផ្លូវទាំងនេះ។ ហេដ្ឋារចនាសម្ព័ន្ធមណ្ឌលឧស្សាហកម្ម  អ្នកវិនិយោគរួមបញ្ចូលការអនុវត្តផ្លូវថ្នល់ឆ្លងកាត់មណ្ឌលឧស្សាហកម្ម និងតំបន់ទីក្រុង ហើយនឹងត្រូវបានគណនាទៅក្នុងការចំណាយលើការវិនិយោគហេដ្ឋារចនាសម្ព័ន្ធ”។

គម្រោងដឹកជញ្ជូនត្រូវបានបញ្ចប់ជាបណ្តើរៗហើយ ដែលមិនត្រឹមតែផ្លាស់ប្តូររូបរាងទីក្រុង Binh Duong ជំនះលើការរាំងស្ទះក្នុងការអភិវឌ្ឍសេដ្ឋកិច្ច-សង្គមរបស់ខេត្តប៉ុណ្ណោះទេ ថែមទាំងជំរុញទំនាក់ទំនងក្នុងការអភិវឌ្ឍខេត្ត Binh Duong ជាមួយនឹងមូលដ្ឋានផ្សេងទៀត ដូចជាការទម្លាយយុទ្ធសាស្ត្រដែលកម្មវិធីនៃមហាសន្និបាតបក្សខេត្ត Binh Duong លើកទី១១ បានដាក់ចេញ៕