(VOV)_សម័យប្រជុំលើកទី៩ រដ្ឋសភាវៀតណាម នីតិកាលទី១៣ កំពុងប្រ
ព្រឹត្តទៅនៅរដ្ឋធានីហាណូយ ត្រូវបានចាត់ទុកជាសម័យប្រជុំចុងក្រោយរបស់
រដ្ឋសភានីតិកាលទី១៣។ ដើម្បីរួមចំណែកសម្រេចកម្មវិធីកសាងច្បាប់ បទបញ្ញាត្តិ
នៃរដ្ឋសភា នីតិកាលទី១៣ ការងារកសាងច្បាប់ត្រូវបានចាត់ទុកជាភារកិច្ចស្នូល
ក្នុងសម័យប្រជុំលើកនេះ។
 |
| សម័យប្រជុំលើកទី៩ រដ្ឋសភាវៀតណាម នីតិកាលទី១៣ |
អាចឃើញថា៖ក្នុងសម័យប្រជុំនិមួយៗ របស់រដ្ឋសភាវៀតណាម នីតិកាលទី
១៣នេះ ជាសម័យប្រជុំមានបរិមាណគំរោងច្បាប់ បទបញ្ញាត្តិជាច្រើន ដែលត្រូវបាន
អនុម័ត។ តាមគំរោង នៅសម័យប្រជុំលើកទី៩ រដ្ឋសភានីតិកាលទី១៣ នឹងពិនិត្យ
មើល ហើយអនុម័តទៅលើសេចក្ដីព្រាងច្បាប់ចំនួន១១ សេចក្ដីសម្រេចចិត្ត១ និង
ផ្តល់មតិចំពោះគំរោងច្បាប់ចំនួន១៥។
ច្បាប់ធ្វើជាក់ស្ដែងខ្លឹមសាររដ្ឋធម្មនុញ្ញឆ្នាំ២០១៣
គំរោងច្បាប់ភាគច្រើនដែលបានយកមតិ ឬពិនិត្យមើល និងអនុម័ត នៅក្នុងសម័យ
ប្រជុំលើកទី៩ រដ្ឋសភាវៀតណាម នីតិកាលទី១៣ សុទ្ធតែបង្ហាញនូវស្មារតីនៃរដ្ឋធម្ម
នុញ្ញឆ្នាំ ២០១៣ ដូចជា៖ ច្បាប់ចាត់តាំងរដ្ឋាភិបាល (ថ្វើវិសោធនកម្ម) ច្បាប់ចាត់តាំង
រដ្ឋអំណាចតំបន់ …លៗ អនុប្រធានរដ្ឋសភាវៀតណាម លោក Uong Chu Luu បាន
អោយដឹងថា៖
“ អ្នកបោះឆ្នោតយកចិត្តទុកដាក់ជាច្រើនចំពោះច្បាប់ចាត់តាំងរដ្ឋាភិបាល ច្បាប់
ចាត់តាំងរដ្ឋអំណាចនៅក្នុងតំបន់។ ច្បាប់ចាត់តាំងសមាជិក សមាជិកាសភា សមាជិក
សមាជិកាក្រុមប្រឹក្សាប្រជាជន។ នេះគឺ”ជាបណ្ដាច្បាប់ដែលទាក់ទិនដល់បញ្ហាសុក្រិត
នីតិរដ្ឋ ពង្រីកសិទ្ធិជាម្ចាស់របស់ប្រជាជន។”
កសាងច្បាប់ដើម្បីសុក្រិតប្រព័ន្ធច្បាប់រដ្ឋ
ដើម្បីមានប្រព័ន្ធច្បាប់គ្រប់គ្រាន់ ឯកភាព និងតម្លាភាព ត្រូវមានដំណើរការកសាង
ច្បាប់តាមលំដាប់ បែបបទ និងមានការទទួលខុសត្រូវ។ នេះក៏ជាគ្រឹះដ្ឋានដើម្បីកសាង
នីតិរដ្ឋ របស់ប្រជាជន ដោយប្រជាជន និងដើម្បីប្រជាជន។ តាមបណ្ឌិត Nguyen Si Dung
អនុប្រធានខុទ្ទកាល័យរដ្ឋសភាថា៖ ការងារកសាងច្បាប់នៅសម័យប្រជុំនេះ ត្រូវបាន
រដ្ឋសភាយកចិត្តទុកដាក់ជាច្រើន៖
“ តាមរបៀបវារះ គណៈកម្មាធិការអចិន្ត្រៃយ៍រដ្ឋសភា ក៏ពិនិត្យមើលគំរោងច្បាប់
ពីមុន។ ប្រសិនបើគំរោងច្បាប់ណាត្រូវបានរៀបចំម៉ត់ចត់ ល្អហើយ ទើបនាំចេញ។
ក្នុងលើកនេះ គណៈកម្មាធិការអចិន្ត្រៃយ៍រដ្ឋសភា បានពិនិត្យមើលគំរោងច្បាប់ជា
ច្រើនត្រូវបានពិនិត្យមើលដល់២ដង ផ្តល់មតិ ដើម្បីសុក្រិត ហើយពិនិត្យមើលឡើង
វិញម្ដង់ទៀត។ ក្រៅពីនោះ បណ្ដាគណៈកម្មាធិការរដ្ឋសភាក៏ពិនិត្យមើលគំរោងច្បាប់
ដ៏ជ្រាលជ្រៅទៀតផង។ ធ្វើបានដូច្នេះ គំរោងច្បាប់នានាត្រូវបានរៀបចំដ៏ល្អប្រសើរ។”
បំរើតម្រូវការអភិវឌ្ឍន៍សេដ្ឋកិច្ចសង្គមរបស់ប្រទេសជាតិ
គំរោងច្បាប់ទាំងឡាយដែលបានរដ្ឋសភាផ្តល់មតិ ឬអនុម័តនៅក្នុងសម័យប្រជុំលើកទី៩ រដ្ឋសភា នីតិកាលទី១៣នេះ សុទ្ធតែជាគំរោងច្បាប់សំខាន់ៗ ដែលជះឥទ្ធិ
ពលយ៉ាងខ្លាំងក្លាចំពោះស្ថានភាពសេដ្ឋកិច្ចសង្គមរបស់ប្រទេសជាតិ។ រដ្ឋសភាផ្តល់
អទិភាពពិនិត្យមើល បំពេញបន្ថែម និងអនុម័តទៅលើគំរោងច្បាប់បំរើការអភិវឌ្ឍន៍សេដ្ឋកិច្ច សង្គម ដំណាក់កាល ២០១៥-២០២០។ អនុប្រធានរដ្ឋសភាវៀតណាម
លោក Uong Chu Luu បានលើកច្បាស់ថា៖
“ រដ្ឋសភាពិត្យមើលបណ្ដាការកំណត់ដែលមិនសមហេតុសមផល កំហិត ក្នុង
ច្បាប់ធរមាន ដើម្បីច្បាប់ថ្មីប្រកបដោយភាពល្អប្រសើរជាង ធានាចរិតលក្ខណះអនុវត្ត
និងចូលក្នុងជីវភាពរស់នៅ។ មិនគួរប្រៀបធៀបច្បាប់ណាសំខាន់ជាងទេ។ អាចនិយាយ
ថា៖បណ្ដាច្បាប់នេះសុទ្ធតែជាច្បាប់ធំៗ សំខាន់ ចំពោះជីវភាពរស់នៅ សេដ្ឋកិច្ច
សង្គមកិច្ចរបស់ប្រទេសជាតិ។”
ក្នុងនីតិកាលទី១៣ រដ្ឋសភាវៀតណាមបានប្រគល់ភារកិច្ចអោយរដ្ឋាភិបាល
ដាក់ជូនគំរោងច្បាប់ បទបញ្ញាត្តិ គំរោងសេចក្ដីសម្រេចចិត្តចំនួន១៣៨។ ដោយមាន
ស្មារតីវិទ្យាសាស្ត្រ ផ្ទៀងស្ដាប់ ទទួលយកពីប្រជាជនគ្រប់រូបនៅក្នុងនិងក្រៅប្រទេស
សម័យប្រជុំរដ្ឋសភាវៀតណាមនិមួយៗ សុទ្ធតែមានការចេញផ្សាយ ធ្វើវិសោធនកម្ម
បំពេញបន្ថែមឯកសារ ច្បាប់ បំពេញតម្រូវការអភិវឌ្ឍន៍សេដ្ឋកិច្ចសង្គម របស់ប្រទេស
ជាតិ ក្នុងដំណាក់កាលធ្វើសមាហរណកម្មអន្តរជាតិ៕