ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាមលោក Pham Binh Minh អញ្ជើញទៅសាកសួរសុខទុក្ខ និងជួបសំណេះសំណាលជាមួយកម្មាភិបាល បុគ្គលិកនៃស្ថានទូតវៀតណាមប្រចាំនៅចិន  (http://baochinhphu.vn/)

          
(VOV)_ទទួលសេចក្ដីអញ្ជើញរបស់សមាជិកក្រុមប្រឹក្សារដ្ឋចិនលោក Yang Jiechi
ចាប់ពីថ្ងៃទី ១៦ ដល់ ១៨ មេសា គណៈប្រតិភូ​វៀត​ណាម ដឹកនាំដោយ​ឧបនាយករដ្ឋមន្រ្តី​​
និងជា​រដ្ឋមន្រ្តី​ការបរទេស​លោក Pham Binh Minh បាន​អញ្ជើញ​ទៅបំពេញទស្សនកិច្ច​នៅទីក្រុងប៉េកាំង​ប្រទេសចិន​ដើម្បី​ចូលរួម​កិច្ច​ប្រជុំ​ គណៈកម្មាធិការបញ្ជាណែនាំ
សហប្រតិបត្តិការទ្វេភាគីវៀតណាម​ ចិនលើកទី ១០​។ កិច្ចប្រជុំនេះសំដៅអនុវត្តលទ្ធផល
ដែល​ទទួលបានក្រោយ​ដំណើរទស្សនកិច្ច​នៅ​ចិនរបស់អគ្គលេខាបក្សលោក Nguyen Phu
 Trong នាខែមករាកន្លងទៅ ក៏ដូច​ជាដើម្បី​រៀបចំផែនការសហប្រតិបត្តិការក្នុង​ឆ្នាំ
២០១៧ ។

          នាថ្ងៃទី ១៦ មេសា ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាម​លោក
​ Pham Binh Minh បានអញ្ជើញទៅសាកសួរសុខទុក្ខ និង​ជួបសំណេះ​សំណាល​ជាមួយ
កម្មាភិបាល បុគ្គលិកនៃស្ថានទូតវៀតណាមប្រចាំនៅចិន​។ ឧបនាយករដ្ឋមន្រ្តីនិងជា
រដ្ឋមន្រ្តីការបរទេសវៀតណាមបានស្នើឲ្យស្ថានទូតបន្តជំរុញទំនាក់ទំនងសហប្រតិបត្តិការ
លើវិស័យពាណិជ្ជកម្ម វិនិយោគ​និង​ទេសចរណ៍​រវាងប្រទេសទាំងពីរ និងជំរុញការផ្សព្វផ្សាយ​
រូបភាព​របស់​វៀត​ណាម។

ក្នុងឱកាសនេះក្រុមវិចិត្រករវ័យក្មេងក្នុងស្រុកបានប្រគល់ជូនស្ថានទូតវៀតណាមប្រចាំ
នៅចិននូវផ្ទាំងគំនូមួយចំនួនសំដៅបង្កើនការផ្សព្វផ្សាយវប្បធម៌ រូបភាព​អំពីទឹកដី និងមនុស្សវៀតណាម ។ វិចិត្រការិនីមួយរូប   អ្នកស្រី Dao Lien Huong ប្រធានគណៈកម្មាធិការ
ចលនាកម្មវិធីបានឲ្យដឹងថា៖

          “កម្មវិធីវិចត្រសិល្បៈវៀតណាម និង ទំនាក់ទំនងវប្បធ៌អន្តរជាតិ​ត្រូវបាន​បំផុស
ឡើងមុននេះជាង ១ ខែ ដោយ​ក្រុមវិចិត្រករនៃ​សាលា​វិចត្រសិល្បៈ​វៀត​ណាម និងវិចិត្រ
សិល្បៈមជ្ឈឹម ក៏ដូចជាសប្បុរសជន​ដែលមាន​បំណង​បង្កើត​មូលនិធិគំនូដើម្បីតែងលម្អ
ស្ថានទូតប្រចាំនៅពិភពលោក​។ ក្នុងរយៈពេល​មួយ​ខែ យើងខ្ញុំបានចលនា និងរៃអង្គាស
បានគំនូជាង ៦០ ផ្ទាំងដើម្បី​តែងលម្អ​បណ្ដា​ស្ថានទូតឲ្យកាន់តែស្រស់ស្អាតជាងទៀត
មានលក្ខណៈវប្បធម៌នៃប្រទេសជាតិ និង​ វប្បធម៌សម្បូរបែប” ៕