រដ្ឋមន្ត្រីការបរទេសអ៊ីរ៉ង់ លោក Hossein Amir-Abdollahian ក្នុងសន្និសីទសារព័ត៌មាននៅអ៊ីរ៉ង់។ រូបថត៖ AFP/TTXVN

នាថ្ងៃទី ១០ កញ្ញា រដ្ឋមន្ត្រីការបរទេសអ៊ីរ៉ង់ លោក Hossein Amir-Abdollahian បានបញ្ជាក់ថា អ៊ីរ៉ង់ត្រៀមខ្លួនជាស្រេចជួយបង្កើតទំនាក់ទំនងយ៉ាងរឹងមាំរវាងបណ្ដាប្រទេសក្នុងតំបន់ និងសហភាពអឺរ៉ុប (EU)។ យោងតាមសេចក្តីប្រកាសរបស់ក្រសួងការបរទេសអ៊ីរ៉ង់បានឲ្យដឹងថា  លោក Hossein Amir-Abdollahian បានថ្លែងដូច្នេះក្នុងជំនួបជាមួយតំណាងពិសេសរបស់ EU ក្នុងតំបន់ឈូងសមុទ្រពែរ្ស លោក Luigi Di Maio នៅរដ្ឋធានីតេហេរង់របស់អ៊ីរ៉ង់។

លោករដ្ឋមន្ត្រីការបរទេស Hossein Amir-Abdollahian បាននិយាយថា អ៊ីរ៉ង់ស្វាគមន៍រាល់គំនិតផ្តួចផ្តើមរបស់ EU ដើម្បីពង្រឹងកិច្ចសហប្រតិបត្តិការរវាងសម្ព័ន្ធមិត្តនេះ ជាមួយបណ្ដាប្រទេសក្នុងតំបន់។ អ្នកការទូតអ៊ីរ៉ង់បានសង្កត់ធ្ងន់លើសំណើរបស់អ៊ីរ៉ង់អំពីការត្រៀមរៀបចំវេទិកាសន្ទនា និងសហប្រតិបត្តិការរវាងបណ្ដាប្រទេសក្នុងតំបន់។

ជាការឆ្លើយតប តំណាង EU បានសង្កត់ធ្ងន់ពីឋានៈក្នុងតំបន់ដ៏ "សំខាន់" របស់អ៊ីរ៉ង់ ដោយកត់សម្គាល់ថា វេទិកាសន្ទនា និងកិច្ចសហប្រតិបត្តិការរវាងបណ្ដាប្រទេសក្នុងតំបន់មានសារៈសំខាន់ណាស់។ លោក Luigi Di Maio បានអត្ថាធិប្បាយថា ការធ្វើប្រក្រតីភាពទំនាក់ទំនងរវាងអ៊ីរ៉ង់ និងអារ៉ាប៊ីសាអូឌីតគឺ ដើម្បីផលប្រយោជន៍តំបន់ផងដែរ៕