កន្លែងកើតហេតុនៃគ្រោះអគ្គីភ័យ ក្នុងខេត្ត Nineveh ភាគខាងជើងប្រទេសអ៊ីរ៉ាក់ កាលពីថ្ងៃទី២៧ ខៃកញ្ញា ឆ្នាំ២០២៣  ។ រូបថត៖ AFP/TTXVN

ថ្លែងនៅក្នុងសន្និសីទសារព័ត៌មាន លោក Saad al-Dulaimi ប្រធានគណៈកម្មាធិការស៊ើបអង្កេតអគ្គីភ័យបានប្រកាសលទ្ធផលនៃការស៊ើបអង្កេតដោយបញ្ជាក់ថា សោកនាដកម្មនេះបានឆក់យកជីវិតមនុស្ស ១០៧នាក់ និងបណ្តាលឲ្យមនុស្ស ៨២ នាក់ទៀតរងរបួស។ អគ្គីភ័យបានឆាបឆេះនៅយប់ថ្ងៃទី ២៦ ខែកញ្ញា បន្ទាប់ពីការបាញ់កាំជ្រួចផ្កានៅក្នុងមជ្ឈមណ្ឌលអាពាហ៍ពិពាហ៍ក្នុងទីក្រុង al-Hamdaniya ខេត្ត Niveveh ។ ជាមួយគ្នានេះ ទីប្រឹក្សារដ្ឋមន្ត្រីមហាផ្ទៃអ៊ីរ៉ាក់ លោក Kadhim Bohan បានបញ្ជាក់ថា អគ្គិភ័យនេះគឺជាឧប្បត្តិហេតុមួយ ហើយម្ចាស់មជ្ឈមណ្ឌលអាពាហ៍ពិពាហ៍ ក៏ដូចជាអ្នកពាក់ព័ន្ធត្រូវទទួលខុសត្រូវចំពោះឧប្បត្តិហេតុនេះ។

បច្ចុប្បន្ននេះ អាជ្ញាធរអ៊ីរ៉ាក់បានចាប់ខ្លួនបុគ្គលិក ៩ នាក់នៃមជ្ឈមណ្ឌលអាពាហ៍ពិពាហ៍ និងបានចេញដីកាចាប់ខ្លួនម្ចាស់មជ្ឈមណ្ឌលនេះ៕