រដ្ឋមន្រ្តីក្រសួងការបរទេសអាមេរិកលោក Antony Blinken (ខាងឆ្វេង) និងអគ្គលេខាធិការអង្គការណាតូលោក Jens Stoltenberg ។ (រូបភាព៖Reuters)

អញ្ជើញថ្លែងក្នុងដំណើរទស្សនកិច្ចលើកដំបូងរបស់ខ្លួនទៅកាន់ទីស្នាក់ការអង្គការណាតូ នៅទីក្រុងប្រ៊ុច សែល (ប្រទេស បែលហ្ស៊ិក) រដ្ឋមន្ត្រីការបរទេស     អាមេរិក លោក Blinken បានបញ្ជាក់ថា សម្ព័ន្ធភាពនេះកំពុងស្ថិតក្នុងដំណាក់កាលដ៏សំខាន់ ដើម្បីឆ្លើយតបទៅនឹងការគំរាមកំហែងនៅទូទាំងពិភពលោក ក៏ដូចជា បញ្ហានៃការប្រែប្រួលអាកាសធាតុផងដែរ។

ចំពោះលទ្ធភាពនៃការដកកងទ័ពចេញពីប្រទេសអាហ្វហ្គានីស្ថាន លោក Blinken បានឲ្យដឹងថាសហរដ្ឋអាមេរិកកំពុងតែវាយតម្លៃចំពោះវិធានការណ៍នានា ដោយបន្តផ្ទៀងស្តាប់ និងពិគ្រោះយោបល់ជាមួយសម្ព័ន្ធមិត្ត។ តាមគម្រោងបណ្តារដ្ឋមន្រ្តីការបរទេសអង្គការណាតូ នឹងពិភាក្សាគ្នាអំពីប្រទេសអាហ្វហ្គានីស្ថាន ក្នុង      រយៈពេល ២ ថ្ងៃខាងមុខទៀតនៅទីក្រុងប្រ៊ុចសែល៕