អនុប្រធានរដ្ឋលោកស្រី Vo Thi Anh Xuan ធ្វើការជាមួយសម្ព័ន្ធក្រុមហ៊ុន Masdar និង Mubadala។ (រូបថត៖ baochinhphu.vn)

ក្នុងជំនួបជាមួយថ្នាក់ដឹកនាំបណ្ឌិត្យសភាការទូត Anwar Kargash ភាគីទាំងពីរបានឯកភាព ជំរុញកិច្ចសហប្រតិបត្តិការរវាងបណ្ឌិត្យសភាការទូត UAE ជាមួយបណ្ឌិត្យសភាការទូត និងវិទ្យាស្ថានស្រាវជ្រាវនានារបស់វៀតណាម ដើម្បីកសាងកម្មវិធីសហប្រតិបត្តិការជាក់លាក់លើវិស័យបណ្តុះបណ្តាលកម្មាភិបាល ចែករំលែកលទ្ធផលស្រាវជ្រាវ វាយតម្លៃស្ថានភាពពិភពលោកនិងតំបន់ ក៏ដូចជារៀបចំសន្និសីទ និងសិក្ខាសាលាស្តីពីវិស័យដែលមានការយកចិត្តទុកដាក់ដូចគ្នា។

អញ្ជើញទៅទស្សនាសម្ព័ន្ធក្រុមហ៊ុន Masdar និង Mubadala ដែលជាសម្ព័ន្ធក្រុមហ៊ុនឈានមុខគេចំនួនពីរ របស់ UAE ក្នុងវិស័យថាមពលនិងថាមពលកកើតឡើងវិញ អនុប្រធានរដ្ឋលោកស្រី Vo Thi Anh Xuan បានជូនដំណឹងពីការអនុគ្រោះរបស់រដ្ឋាភិបាលវៀតណាមក្នុងការទាក់ទាញវិនិយោគិនបរទេស ជាពិសេសលើវិស័យអភិវឌ្ឍន៍បៃតងនិងចីរភាព។ ថ្នាក់ដឹកនាំសម្ព័ន្ធក្រុមហ៊ុន Masdar និង Mubadala បានអះអាងពីគោលបំណងចង់ផ្លាស់ប្តូរជាមួយដៃគូវៀតណាមដើម្បីពិភាក្សាអំពីឱកាសសហប្រតិបត្តិការវិនិយោគជាក់លាក់ក្នុងវិស័យអាទិភាពដូចជាថាមពលស្អាត ថាមពលកកើតឡើងវិញ។

អនុប្រធានរដ្ឋលោកស្រី Vo Thi Anh Xuan ជូនអំណោយដល់កម្មាភិបាលស្ថានទូតវៀតណាមប្រចាំ UAE។ (រូបថត៖ baochinhphu.vn)

អញ្ជើញមកទស្សនានិងជួបសំណេះសំណាលជាមួយបុគ្គលិកស្ថានទូតវៀតណាមនិងសហគមន៍ជនវៀតណាមនៅ UAE អនុប្រធានរដ្ឋលោកស្រី Vo Thi Anh Xuan បានអះអាងថា គោលនយោបាយរបស់បក្សនិងរដ្ឋវៀតណាមជានិច្ចកាលថែទាំងនិងយកចិត្តទុកដាក់ជាពិសេសចំពោះសហគមន៍ជនវៀតណាមនៅឯបរទេស។ លោកស្រីបានស្នើឲ្យស្ថានទូតវៀតណាម និងគណៈកម្មាធិការទំនាក់ទំនងសហគមន៍ជនវៀតណាមនៅ UAE បន្តធ្វើឲ្យល្អថែមទៀតនូវតួនាទីតភ្ជាប់និងជួយឧបត្ថម្ភជនរួមជាតិឱ្យមានជីវភាពរស់នៅប្រកបដោយស្ថិរភាព នឹងនរចិត្តធ្វើអាជីវកម្ម និងធ្វើសមាហរណកម្មកាន់តែប្រសើរចូលក្នុងសង្គមសាមី; ពង្រឹងការរៀបចំសកម្មភាពសហគមន៍សមដៅថែរក្សាអត្តសញ្ញាណវប្បធម៌ជាតិ ព្រមទាំងផ្សព្វផ្សាយរូបភាពដ៏ល្អប្រសើរអំពីប្រទេស និងប្រជាជនវៀតណាមជាមួយប្រជាជន UAE ផងដែរ៕