អ្នកប្រដាល់ Nguyen Thi Tam (រូបថត៖ IBA)

ដូច្នោះហើយ ក្នុងវគ្គពាក់កណ្តាលផ្តាច់ព្រ័ត្រក្នុងប្រភេទទម្ងន់ ៥០ គីឡូក្រាម នៃព្រឹត្តិការណ៍ប្រដាល់ជើងឯកពិភពលោកប្រភេទនារីឆ្នាំ ២០២៣ ដែលធ្វើឡើងនៅប្រទេសឥណ្ឌា នាយប់ថ្ងៃទី ២៣ ខែមិនា កីឡាករ Nguyen Thi Tam បានប្រកួតជាមួយ កីឡាករ Lkhadiri Wassila ដែលជាអ្នកប្រដាល់ជើងខ្លាំង ធ្លាប់ឈ្នះជើងឯកបារាំង ៧ដង និងឈ្នះ មេដាយសំរឹទ្ធជើងឯកអឺរ៉ុប២ដង។ ចប់ការប្រកួត Nguyen Thi Tam បានឈ្នះការប្រកួតចុងក្រោយដោយពិន្ទុ ៤-១ ដើម្បីឈ្នះសិទ្ធិឡើងសង្វៀនក្នុងវគ្គផ្តាច់ព្រ័ត្រនៃព្រឹត្តិការណ៍ប្រដាល់ជើងឯកពិភពលោកផ្នែកនារីឆ្នាំ ២០២៣។

ជាមួយនឹងជ័យជម្នះនេះ Nguyen Thi Tam បានបង្កើតសញ្ញាសម្គាល់ក្នុងប្រវត្តិសាស្ត្រប្រដាល់របស់វៀតណាម ក្នុងនាមជាអ្នកប្រដាល់ស្រីវៀតណាមដំបូងគេដែលបានឡើងដល់វគ្គផ្តាច់ព្រ័ត្រពិភពលោក។ នៅវគ្គផ្ដាច់ព្រ័ត្រខាងមុខ អ្នកប្រដាល់ស្ត្រីលេខ១នៅវៀតណាម នឹងជួបអ្នកប្រដាល់ឥណ្ឌា Nikhat Zareen ដែលជាម្ចាស់ជើងឯកពិភពលោក។ ការប្រកួតនឹងធ្វើឡើងនៅថ្ងៃទី ២៦ ខែមីនា ហើយនឹងត្រូវបានផ្សាយផ្ទាល់នៅលើប៉ុស្តិ៍ YouTube Prasar Bharati Sports។

ដោយមានសិទ្ធិឡើងទៅវគ្គផ្ដាច់ព្រ័ត្រ Nguyen Thi Tam ក៏បានឈ្នះសំបុត្រទៅប្រកួតកីឡាអូឡាំពិកទីក្រុងប៉ារីសឆ្នាំ ២០២៤ ក្នុងប្រភេទទម្ងន់ ៥០ គីឡូក្រាមផ្នែកនារី។ មុននោះ សមិទ្ធិផលល្អបំផុតក្នុងប្រវត្តិសាស្ត្រកីឡាប្រដាល់វៀតណាមក្នុងការប្រកួតពិភពលោកគឺមេដាយសំរឹទ្ធរបស់កីឡាករ Nguyen Thi Huong ក្នុងប្រភេទទម្ងន់ ៧៥ គីឡូក្រាមនារីឆ្នាំ ២០១៩៕