 អត្រាអ្នកគាំទ្រប្រធានាធិបតីបារាំងថយចុះយ៉ាងខ្លាំង |
ជាក់ស្ដែង យោងតាមលទ្ធផលស្ទង់មតិរបស់កាសែត Le Journal du Dimanche នាថ្ងៃទី ១៨ កុម្ភៈបានឲ្យដឹងថាមានជនបារាំងត្រឹមតែ ៤៤ % ដែលត្រូវបានសួរនោះ ពេញចិត្តចំពោះការដឹកនាំរបស់ប្រធានាធិបតីលោក Macron ប៉ុណ្ណោះទេ។
អត្រាអ្នកគាំទ្រលោក Macron ថយចុះ បន្ទាប់ពីដើមខែកុម្ភៈរដ្ឋាភិបាលបារាំងបានប្រកាសផែនការស្ដីពីការធ្វើទំនើបភាវូបនីយកម្មនូវស្ថាប័នក្នុងវិស័យសាធារណៈ ដើម្បីកាត់បន្ថយបន្ទុកថវិកា។
បារាំងគឺជាប្រទេសមួយក្នុងចំណោមប្រទេសដែលមានអត្រាចំណាយថវិកា
សម្រាប់វិស័យសារធារណធំបំផុតនៅលើពិភពលោក។ នាយករដ្ឋមន្ត្រីបារាំងលោក Edouard Philippe បានឲ្យដឹងថា រដ្ឋាភិបាលនឹងជំរុញកំណែទម្រង់លើវិស័យសាធារណៈផងដែរ៕