លោក Griffiths បានវាយតម្លៃថា ការឆ្លើយតបរបស់ប្រទេសទួរគីចំពោះគ្រោះមហន្តរាយនេះគឺ "វិសាមញ្ញ" ព្រមទាំងសម្តែងក្តីសង្ឃឹមថា ជំនួយនៅប្រទេសស៊ីរីនឹងទៅដល់ទាំងតំបន់ដែលគ្រប់គ្រងដោយរដ្ឋាភិបាល និងភាគីប្រឆាំងផងដែរ។

នាថ្ងៃដដែល អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus បានទៅកាន់ទីក្រុង Aleppo ប្រទេសស៊ីរី ដែលរងការបំផ្លិចបំផ្លាញដោយការរញ្ជួយដី ដើម្បីបំពេញទស្សនកិច្ចនៅមន្ទីរពេទ្យ និងទីជម្រកមួយចំនួនរបស់ប្រជាជន។ ជើងហោះហើររបស់ប្រមុខ WHO ទៅកាន់ប្រទេសស៊ីរី ក៏បានដឹកសម្ភារបរិក្ខារពេទ្យសង្គ្រោះបន្ទាន់ចំនួន ៣៧ តោនផងដែរ។ នេះជាកញ្ចប់ជំនួយដំបូងរបស់ WHO។ លោក Tedros បានបញ្ជាក់ថា អង្គការសុខភាពពិភពលោកនឹងបន្តផ្តល់សេវានិងសម្ភារបរិក្ខារពេទ្យសង្គ្រោះបន្ទាន់ដើម្បីព្យាបាលជនរងគ្រោះដែលរងរបួសនៅក្នុងការរញ្ជួយដីនេះ។

យោងតាមទិន្នន័យដែលបានធ្វើបច្ចុប្បន្នភាពត្រឹមម៉ោង ១ ព្រឹកថ្ងៃទី ១២ ខែកុម្ភៈ ម៉ោង UTC ចំនួនអ្នកស្លាប់នៅក្នុងគ្រោះមហន្តរាយរញ្ជួយដីនៅទួរគីនិងស៊ីរីបានលើសពី ២៨ ពាន់នាក់៕