អគ្គនាយក IAEA លោក Rafael Grossi ធ្វើទស្សនកិច្ចនៅរោងចក្រ Zaporizhzhia ក្នុងប្រទេសអ៊ុយក្រែន នៅថ្ងៃទី ២៩ ខែមីនា ឆ្នាំ ២០២៣។ (រូបថត៖ AFP/TTXVN)

នាថ្ងៃទី ៣ ខែមេសា អ្នកនាំពាក្យទីភ្នាក់ងារថាមពលបរមាណូអន្តរជាតិ (IAEA) បានឲ្យដឹងថា អគ្គនាយក IAEA លោក Rafael Grossi នឹងអញ្ជើញធ្វើទស្សនកិច្ចទៅកាន់ទីក្រុង Kaliningrad ប្រទេសរុស្ស៊ីនៅថ្ងៃទី ៥ ខែមេសា ដើម្បីពិភាក្សាអំពីសុវត្ថិភាពនិងសន្តិសុខនុយក្លេអ៊ែរនៅក្នុងរោងចក្រថាមពល Zaporizhzhia។ IAEA កំពុងខិតខំប្រឹងប្រែងជំរុញដំណោះស្រាយដើម្បីការពាររោងចក្រថាមពលនុយក្លេអ៊ែរដ៏ធំបំផុតនៅអឺរ៉ុបនេះ និងរាំងស្កាត់ហានិភ័យនៃការលេចធ្លាយនុយក្លេអ៊ែរ។

លោក Grossi បានបំពេញទស្សនកិច្ចនៅរោងចក្រ Zaporizhzhia កាលពីសប្តាហ៍មុន។ អគ្គនាយក IAEA បានវាយតម្លៃថា ស្ថានភាពកំពុងវិវឌ្ឍន៍ក្នុងទិសដៅកាន់តែអវិជ្ជមាន នៅពេលដែលសកម្មភាពយោធានៅជុំវិញរោងចក្របានកើនឡើងក្នុងប៉ុន្មានខែថ្មីៗនេះ។ មុននោះ លោក Grossi បានឲ្យដឹងថា គណៈប្រតិភូរបស់លោកកំពុងពិចារណាដំណោះស្រាយតាមទិសនៃការទទួលបានការសន្យា "មិនវាយប្រហាររោងចក្រ ឬមិនប្រើប្រាស់រោងចក្រនេះដើម្បីអនុវត្តការវាយប្រហារ" ជំនួសឱ្យការជំរុញផែនការបង្កើតតំបន់គ្មានយោធា ដែល លោកជឿជាក់ថាអាចធ្វើឱ្យស្ថានភាពកាន់តែស្មុគស្មាញ៕