ប្រធានាធិបតីស្វីស លោក Alain Berset ។ (រូបថត៖ AFP/TTXVN)

ក្នុងជំនួបជាមួយអធិការបតីអាល្លឺម៉ង់ លោក Olaf Scholz នៅទីក្រុងប៊ែកឡាំង កាលពីថ្ងៃទី១៨ ខែមេសា ប្រធានាធិបតីស្វីស និងជារដ្ឋមន្ត្រីក្រសួងមហាផ្ទៃ លោក Alain Berset បានអះអាងសារជាថ្មីអំពីគោលការណ៍អព្យាក្រឹតភាពយូរអង្វែងរបស់ប្រទេសនេះ ដែលនឹងមិនផ្តល់ជំនួយយោធាដល់ភាគីណាមួយក្នុងជម្លោះរុស្ស៊ី-អ៊ុយក្រែនឡើយ។ លោក Berset បានកត់សម្គាល់ផងដែរថា អព្យាក្រឹតភាពមិនមានន័យថា "ព្រងើយកន្តើយ" ចំពោះផលប្រយោជន៍របស់ប្រជាជននោះទេ ហើយលោកបានឲ្យដឹងថា ប្រទេសស្វីសប្តេជ្ញា ផ្តល់ជំនួយមនុស្សធម៌ដល់អ៊ុយក្រែន។

ប្រទេសស្វីសស្ថិតនៅក្រោមសម្ពាធអន្តរជាតិយ៉ាងខ្លាំងដើម្បីអនុញ្ញាតឱ្យប្រទេសដែលមានអាវុធផលិតដោយស្វីសអាចនាំចេញឡើងវិញទៅកាន់អ៊ុយក្រែន។ ប្រទេសអេស្ប៉ាញ អាល្លឺម៉ង់ និងដាណឺម៉ាក និងប្រទេសមួយចំនួនទៀត បានស្នើសុំបញ្ជូនឧបករណ៍យោធាដែលផលិតដោយស្វីសទៅកាន់ប្រទេសអ៊ុយក្រែន។ រហូតមកដល់ពេលនេះ រដ្ឋាភិបាលស្វីសបានបដិសេធអំពី បញ្ហានេះ៕