មហាសន្និបាតតំណាងទូទាំងប្រទេសលើកទី១៣របស់បក្សកុម្មុយនិស្តវៀតណាមកំពុងប្រព្រឹត្តទៅនៅមជ្ឈមណ្ឌលសន្និសីទជាតិ My Dinh រដ្ឋធានីហាណូយ។ (រូបថត៖ VOV)

កាសែត The Straits Times របស់សឹង្ហបុរីបានសង្កត់ធ្ងន់ថា ក្នុងរយៈពេល៩ ថ្ងៃធ្វើការ មហាសន្និបាតនឹងពិភាក្សាអំពីគោលនយោបាយក្នុងអាណត្តិ៥ឆ្នាំខាងមុខ ហើយបោះឆ្នោតជ្រើសតាំងថ្នាក់ដឹកនាំនៃអាណត្តិថ្មីផងដែរ។ កាសែតនេះក៏បានសង្កត់ធ្ងន់ទៅលើសមិទ្ធផលគួរឲ្យចាប់អារម្មណ៍ក្នុងការអភិវឌ្ឍសេដ្ឋកិច្ចនិង ការគ្រប់គ្រងជម្ងឺ Covid-19 របស់វៀតណាមក្នុងឆ្នាំ២០២០ ដោយចាត់ទុកនេះគឺ ជាចំណុចភ្លឺក្នុងចំណោមប្រទេសអាស៊ីនានាផងដែរ។ កាសែតនេះលើកឡើងថា វៀតណាមបានដាក់ចេញគោលដៅ សម្រេចបានកំណើន GDP ជាមធ្យមចំនួន ៧%ក្នុងរយៈពេល៥ឆ្នាំខាងមុខ។

ចំណែកឯកាសែត The Star របស់ម៉ាឡេស៊ីបានសង្កត់ធ្ងន់ថា នេះជាមហា សន្និបាតដែលមានចំនួនប្រតិភូចូលរួមយ៉ាងច្រើនបំផុតតាំងពីមុនមក។ មហាសន្និបាតលើកនេះនឹងបូកសរុបការអនុវត្តសេចក្ដីសម្រេចចិត្តនៃមហាសន្និបាតលើកទី១២របស់បក្សកុម្មុយនិស្តវៀតណាម វាយតម្លៃរយៈពេល ៣៥ឆ្នាំអនុវត្តគោល នយោបាយផ្លាស់ប្ដូរថ្មី (Doi moi) រយៈពេល១០ឆ្នាំអនុវត្តយុទ្ធសាស្ត្រអភិវឌ្ឍសេដ្ឋ កិច្ចសង្គម (២០១១-២០២០) ព្រមទាំងពិភាក្សាអំពីគោលដៅនិងមាគ៌ាអភិវឌ្ឍ សេដ្ឋកិច្ច-សង្គមរបស់ប្រទេសជាតិក្នុងរយៈពេល៥ឆ្នាំខាងមុខនិងចក្ខុវិស័យ អភិវឌ្ឍប្រទេសជាតិរហូតដល់ឆ្នាំ២០៤៥ ផងដែរ៕