(VOV World)_ក្រោយរយះពេល ជិត១ខែ ធ្វើការយ៉ាងសកម្ម ដោយមានការទទួលខុស
ត្រូវ នាព្រឹក ថ្ងៃទី ២៣វិច្ឆិកា សម័យប្រជុំលើកទី ៤ រដ្ឋសភាវៀតណាម នីតិកាលទី១៣
បានបិទ។ ថ្លែងមតិនៅទីនេះ ប្រធានរដ្ឋសភា វៀតណាម លោក Nguyen Sinh Hung បានអះអាងថា៖សម័យប្រជុំលើកទី ៤រដ្ឋសភានីតិកាលទី ១៣ បានបញ្ចប់ប្រកបដោយ
ជោគជ័យ។ជាមួយស្មារតីសាមគ្គីភាព ប្រជាធិប្បតេយ្យ សហប្រតិបត្តិការ និងការទទួល
សុខត្រូវយ៉ាងខ្ពស់ចំពោះប្រជាជន។ក្នុងសម័យប្រជុំលើកនេះ បណ្ដាសមាជិកសភា
បានប្រមូលផ្តុំ សកម្ម ទៅលើខ្លឹមសារនានារបស់សម័យប្រជុំ សម្រេចចិត្តលើបញ្ហា
សំខាន់ជាច្រើន ដែលត្រូវបានអ្នកបោះឆ្នោត និងប្រជាពលរដ្ឋ ក្នុងទូទាំងប្រទេស
យកចិត្តទុកដាក់។ អំពីសេដ្ឋកិច្ច សង្គម ប្រធានរដ្ឋសភា Nguyen Sinh Hung បាន
អោយដឹងថា៖
“ រដ្ឋសភាបានកំណត់ភារកិច្ចទូទៅ ចំពោះឆ្នាំ ២០១៣ គឺបន្តខំប្រឹងប្រែងស្ថិរភាពម់ាក្រូ
សេដ្ឋកិច្ច ធានាអតិផរណាទាបជាង កំណើនសេដ្ឋកិច្ចខ្ពស់ជាងឆ្នាំ២០១២។លើក
កំពស់ប្រសិទ្ធភាពនៃសកម្មភាពកិច្ចការបរទេសនិងធ្វើសមាហរណកម្មអន្តរជាតិ
បង្កើនការការពារប្រទេស សន្តិសុខ និងធានាស្ថិរភាពនយោបាយសង្គម បង្កើត
គ្រិះដ្ឋានដើម្បីអភិវឌ្ឍន៍ប្រកបដោយចីរភាព ក្នុងរយះពេលប៉ុន្មានឆ្នាំបន្ត។”
 |
| សម័យប្រជុំលើកទី ៤ រដ្ឋសភានីតិកាលទី ១៣ ដោយស្មារតីផ្លាស់ប្តូរថ្មី ប្រជាអធិបតេយ្យនិងមានប្រសិទ្ធភាព”៕ (Image: Internet) |
ចំពោះការងារកសាងច្បាប់ រដ្ឋសភាបានអនុម័ត្តលើសេចក្តីព្រៀងច្បាប់សំខាន់
ចំនួន ៩ ។ ស្តីពីសកម្មភាពឃ្លាំមើល ប្រធានរដ្ឋសភា Nguyen Sinh Hung បានឲ្យ
ដឹងទៀតថា៖
“រដ្ឋសភាដំណើរការឃ្លាំមើលនៅថ្នាក់កំពូលចំពោះការអនុវត្តគោលនយោបាយ ច្បាប់ការដោះស្រាយពាក្យបណ្ដឹងតវ៉ាអំពីគោលនយោបាយដីធ្លីរបស់ប្រជាពល
រដ្ឋ។ រដ្ឋសភាបានចេញផ្សាយសេចក្តីសម្រេចចិត្តអំពីការលើកកំពស់
ប្រសិទ្ធភាពក្នុងការអនុវត្តគោលនយោបាយច្បាប់ចំពោះបញ្ហាពោលខាងលើនិង
សេចក្តីសម្រេច អំពីកម្មវិធីសកម្មភាពឃ្លាំមើលរបស់រដ្ឋសភា ឆ្នាំ ២០១៣។ ជាពិសេសរដ្ឋសភាបានអនុម័ត្តលើសេចក្តីសមេ្រចចិត្តស្តីពីការបោះឆ្នោតទំនុក
ទុកចិត្តចំពោះអ្នកកាន់តំណែងសំខាន់បំផុតរបស់រដ្ឋ ដែលត្រូវបានរដ្ឋសភា ក្រុមប្រឹក្សារប្រជាជនជ្រើសរើស ឬ អនុម័ត្ត។ នេះគឺជាជំហានផ្លាស់ប្តូរថ្មីដ៏សែន
សំខាន់ក្នុងជីវភាពនយោបាយរបស់ប្រទេសជាតិ។”
មុននោះ រដ្ឋសភាបានអនុម័ត្តលើច្បាប់បង្កាប្រយុទ្ធប្រឆាំងនឹងអំពើពុករលុយ
(ធ្វើវិសោធនកម្ម) និងសេចក្តីសម្រេចចិត្តសំខាន់ចំនួន ៥ ។
បន្ទាប់ផ្នែកព័ត៌មាន សូមអញ្ជើញលោកអ្នកនាងតាមដានស្តាប់អត្ថបទសរសេ របស់អ្នកយកព័ត៌មាននៃវិទ្យុសម្លេងវៀតណាម ដោយមានចំណងជើងថា៖
“សម័យប្រជុំលើកទី ៤ រដ្ឋសភានីតិកាលទី ១៣ ដោយស្មារតីផ្លាស់ប្តូរថ្មី
ប្រជាអធិបតេយ្យនិងមានប្រសិទ្ធភាព”៕