លោកស្រី Nguyen Thi Thanh Binh អគ្គនាយករងសម្ព័ន្ធក្រុមហ៊ុន T&T Group និងលោក John Wallington នាយកហិរញ្ញវត្ថុ សម្ព័ន្ធក្រុមហ៊ុន UPC Renewables Group (USA) ផ្លាស់ប្តូរ MoU ស្តីពីការអភិវឌ្ឍន៍ថាមពល (រូបថត៖ thanhtra.com.vn)

នៅថ្ងៃទី ២១ ខែកញ្ញា (ម៉ោងក្នុងតំបន់) នៅសហរដ្ឋអាមេរិក តំណាងសម្ព័ន្ធក្រុមហ៊ុន T&T Group បានចុះហត្ថលេខាលើកិច្ចសន្យានិងអនុស្សរណៈយោគយល់គ្នា (MoU) ជាមួយដៃគូអាមេរិក ដើម្បីសហការវិនិយោគក្នុងគម្រោងថាមពលកកើតឡើងវិញ; ការទិញផលិតផលកសិកម្មនិងក្លាយជាអ្នកចែកចាយផ្តាច់មុខនៃម៉ាកឱសថល្បីឈ្មោះឈានមុខគេនៅក្នុងប្រទេសនេះ។

តាមនោះ សម្ព័ន្ធក្រុមហ៊ុន T&T Group និងសម្ព័ន្ធក្រុមហ៊ុន UPC Renewables Group (អាមេរិក) បានចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការលើការវិនិយោគ លើគម្រោងថាមពលខ្យល់នៅលើឆ្នេរសមុទ្រនិងនៅជិតឆ្នេរសមុទ្រនិងគម្រោងថាមពលពន្លឺព្រះអាទិត្យ នៅតាមខេត្ត Ninh Thuan, Dak Nong, Soc Trang, Ben Tre និង Bac Lieu  ដោយមានអានុភាពសរុបប្រមាណជិត ១៥០០ មេហ្កាវ៉ាត់ ការវិនិយោគសរុបប្រហែល ២,៥ ពាន់លានដុល្លារ។

សម្ព័ន្ធក្រុមហ៊ុន T&T Group ក៏បានចុះហត្ថលេខាដោយជោគជ័យលើកិច្ចព្រមព្រៀងចំនួនពីរដើម្បីនាំចូលវត្ថុធាតុដើមសម្រាប់ផលិតចំណីសត្វដែលមានតម្លៃសរុប ៥២៥ លានដុល្លារ ជួយដល់ផលិតកម្មអាជីវកម្មក្នុងប្រទេស៕