ទីស្នាក់ការកណ្តាលសភាអាមេរិកនៅទីក្រុង Washington D.C ( រូបថត៖ Stanford News) |
ហេតុដូច្នេះ ស្រដៀងនឹងការបោះឆ្នោតនៅព្រឹទ្ធសភាកាលពីមុននោះ ដែលគ្មានសមាជិកសភាជាន់ទាបនៃគណបក្សសាធារណរដ្ឋណាម្នាក់ គាំទ្រចំពោះ សេចក្តីព្រាងច្បាប់នេះទេ។
សេចក្តីព្រាងច្បាប់មានឈ្មោះថា “ ផែនការជួយ សង្គ្រោះសហរដ្ឋ អាមេរិក” នឹងជួយគាំទ្រដោយផ្ទាល់ដល់ប្រជាជនអាមេរិកម្នាក់ៗទទួលបានទឹកប្រាក់ចំនួន ១.៤០០ ដុល្លារអាមេរិក ព្រមទាំងពន្យាពេលការផ្តល់ជំនួយឧបត្ថម្ភសម្រាប់មនុស្សគ្មានការងារធ្វើរាប់លាននាក់ និងផ្លាស់ប្តូរបទបញ្ញត្តិពន្ធមួយចំនួន ដើម្បីជួយគាំទ្រដល់គ្រួសារដែលមានកុមារផងដែរ។ សេចក្តីព្រាងច្បាប់នេះក៏បានលៃទុកថវិការាប់ពាន់លានដុល្លារអាមេរិក ដើម្បីធ្វើតេស្តិ៍ជំងឺកូវីដ-១៩ ស្វែងរកជនពាក់ព័ន្ធ និងអភិវឌ្ឍន៍វ៉ាក់សាំង ដោយឆ្ពោះទៅសម្រេចបាននូវគោលដៅរបស់ប្រធានាធិបតីអាមេរិក លោក ចូបៃដិន គឺត្រូវផលិតវ៉ាក់សាំងកូវីដ-១៩ឲ្យបានគ្រប់គ្រាន់សម្រាប់ជនជាតិអាមេរិកទាំងអស់នៅដំណាច់ខែឧសភាខាងមុខនេះ៕