សភាជាន់ទាបសាធារណរដ្ឋឆែកអនុម័តលើកិច្ចព្រមព្រៀងការពារវិនិយោគ វៀតណាម - សហភាពអឺរ៉ុប

កាលពីចុងខែមករា ព្រឹទ្ធសភាឆែក បានផ្តល់សច្ចាប័នលើកិច្ចព្រមព្រៀងនេះរួចជាស្រេចហើយ។ កាយវិការនេះបានកើតឡើងនៅក្នុងបរិបទដែល មតិសាធារណៈរបស់ឆែកមានការឆ្លើយតបជាវិជ្ជមានបន្ទាប់ពីសភា អឺរ៉ុប (EP) នាថ្ងៃទី ១២ ខែកុម្ភៈ បានឆ្លងកាត់ជាផ្លូវការនូវកិច្ចព្រមព្រៀងពាណិជ្ជកម្មសេរីវៀតណាម-សហភាព អឺរុប (EVFTA) និងកិច្ចព្រមព្រៀងការពារការវិនិយោគវៀតណាម - អឺរ៉ុប (EVIPA)។

សមាជិកសភាអឺរ៉ុបប្រចាំនៅឆែក និងជាអនុប្រធាន EP លោក Dita Charanzová បានចាត់ទុកថា គណៈ កម្មការអឺរ៉ុប (EC) បានចរចាដោយជោគជ័យនូវកិច្ចព្រមព្រៀងដ៏មានគុណភាព រួមចំណែកបង្កើតទីផ្សារថ្មីសម្រាប់ក្រុមហ៊ុននានារបស់ឆែកផងដែរ។ ម្យ៉ាងវិញទៀត កិច្ចព្រមព្រៀងពាណិជ្ជកម្មដ៏មានសារៈសំខាន់ជាមួយវៀតណាមនេះ នឹងជាទីផ្សារនាំចេញអំណោយផលសម្រាប់ឆែកជាពុំខាន។ យោងតាមលោកអនុប្រធាន EPថា វៀតណាមគឺជាដៃគូពាណិជ្ជកម្មប្រពៃណីរបស់ឆែក និងសម្រាប់ក្រុមហ៊ុននានារបស់ឆែកទៀតផង។ ចំណែកឯជំនាញការឆែកបានវាយតម្លៃថា EVFTA នឹងនាំមកឱកាសដ៏ធំមួយ ដើម្បីវៀតណាមនិងឆែកបើកទូលាយកិច្ចសហប្រតិបត្តិការសេដ្ឋកិច្ច ពាណិជ្ជកម្ម៕