លោកឯកអគ្គរដ្ឋទូត Nguyen Minh Vu ឧបការីរដ្ឋមន្ត្រីក្រសួងការបរទេសបានមានប្រសាសន៍នៅក្នុងកិច្ចប្រជុំ (រូបថត៖ VOV)

អញ្ជើញថ្លែងមតិនៅទីនេះ ឯកអគ្គរដ្ឋទូតលោក Nguyen Minh Vu ឧបការីរដ្ឋមន្ត្រីក្រសួងការបរទេស ប្រធានគណៈប្រតិភូវៀតណាមចូលរួមកិច្ចប្រជុំនៅគណៈកម្មាធិការទី៦ បានអះអាងថា វៀតណាមគាំទ្រតួនាទីសំខាន់របស់តុលាការយុត្តិធម៌អន្តរជាតិក្នុងការលើកកម្ពស់សន្តិភាព ស្ថិរភាព និងយុត្តិធម៌  ហើយត្រៀមខ្លួនរួចជាស្រេច សហប្រតិបត្តិការជាមួយប្រទេសផ្សេងៗ និងតុលាការ ដើម្បីលើកកម្ពស់នីតិរដ្ឋនៅគ្រប់កម្រិត។ លោកឯកអគ្គរដ្ឋទូតបានសង្កត់ធ្ងន់លើតម្រូវការសម្រាប់ប្រទេសទាំងអស់ក្នុងការគោរព និងអនុវត្តកាតព្វកិច្ចរបស់ខ្លួនក្រោមច្បាប់អន្តរជាតិ រួមទាំងកាតព្វកិច្ចអនុវត្តរាល់សេចក្តីសម្រេច និងសាលក្រមរបស់តុលាការយុត្តិធម៌អន្តរជាតិ។

លោកឯកអគ្គរដ្ឋទូតបានអះអាងថា ក្នុងបរិបទដែលត្រូវការវិធានការជាបន្ទាន់ដើម្បីទប់ទល់នឹងបម្រែបម្រួលអាកាសធាតុ វៀតណាមនិងបណ្តាប្រទេសក្នុងក្រុមសំខាន់ៗបានស្នើឱ្យមហាសន្និបាតអង្គការសហប្រជាជាតិ សំណូមពរឲ្យយុត្តិធម៌អន្តរជាតិ  ផ្តល់យោបល់អំពីកាតព្វកិច្ចរបស់ប្រទេសពាក់ព័ន្ធចំពោះការប្រែប្រួលអាកាសធាតុ។ មតិប្រឹក្សានេះអាចជួយបំភ្លឺទិដ្ឋភាពច្បាប់នៃការប្រែប្រួលអាកាសធាតុ និងបម្រើជាមូលដ្ឋានសម្រាប់ការអនុវត្តជាក់ស្តែង និងមានប្រសិទ្ធភាពនៃការប្តេជ្ញាចិត្តដើម្បីកាត់បន្ថយការបំភាយឧស្ម័នផ្ទះកញ្ចក់ទៅក្នុងបរិស្ថាន៕