ប្រធានរដ្ឋសភាវៀតណាម លោក Vuong Dinh Hue ទទួលជួបនាយករដ្ឋមន្ត្រីនូវែល សេឡង់ លោកស្រី Jacinda Arden ក្នុងឱកាសអញ្ជើញមកបំពេញទស្សនកិច្ចផ្លូវការ នៅវៀតណាម។ (រូបថត៖ VOV)

នេះជាការបញ្ជាក់របស់ប្រធានរដ្ឋសភាវៀតណាម លោក Vuong Dinh Hue នារសៀលថ្ងៃទី១៤ ខែវិច្ឆិកា នៅវិមានរដ្ឋសភា ក្នុងជំនួបជាមួយនាយករដ្ឋមន្ត្រីនូវែល សេឡង់ លោកស្រី Jacinda Arden ក្នុងឱកាសអញ្ជើញមកបំពេញទស្សនកិច្ចផ្លូវការ នៅវៀតណាម។

ប្រធានរដ្ឋសភាលោក Vuong Dinh Hue មានគោលបំណងថា រដ្ឋា ភិបាលនូវែលសេឡង់ផ្តោតសំខាន់លើការពង្រឹងទំនាក់ទំនងរវាងស្ថាប័ននីតិប្បញ្ញត្តិ ទាំងពីរ; បង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ គ្រប់កាណាល់ ក្នុងនោះមាន កាណាល់រដ្ឋសភា; ពង្រីកថែមទៀតនូវតួនាទីជាស្ពានរបស់សមាគមមិត្តភាព និងក្រុម សមាជិករដ្ឋសភាមិត្តភាពនៃប្រទេសទាំងពីរ ព្រមទាំង ជំរុញការអនុវត្តឯកសារដែល បានចុះហត្ថលេខា ក្នុងនោះមានកម្មវិធីសកម្មភាពស្ដីពីការអអនុវត្តទំនាក់ទំនងភាពជា ដៃគូយុទ្ធសាស្ត្រវៀតណាម - នូវែលសេឡង់ ដំណាក់កាលឆ្នាំ ២០២១ - ២០២៤។

ប្រធានរដ្ឋសភាវៀតណាម លោក Vuong Dinh Hue បានសង្កត់ធ្ងន់ថា វៀត ណាម-នូវែលសេឡង់នៅតែមានសក្ដានុពលជាច្រើន ដើម្បីបង្កើន កិច្ចសហប្រតិបត្តិ ការលើវិស័យពាណិជ្ជកម្ម កសិកម្ម ការកែច្នៃ ទេសចរណ៍ អប់រំ បណ្តុះបណ្តាលនិង វប្បធម៌; សន្តិសុខ - ការពារជាតិ សេដ្ឋកិច្ច - ពាណិជ្ជកម្ម - វិនិយោគ កសិកម្ម; សេដ្ឋកិច្ច ឌីជីថល ការបម្លែងថាមពល កំណើនបៃតង ជាដើម។ លោកប្រធានរដ្ឋសភាបានស្នើឱ្យ ប្រទេសទាំងពីរបន្តគាំទ្រគ្នាទៅវិញទៅមកនៅវេទិកាតំបន់ និងអន្តរជាតិនានា ក៏ដូចជា ក្នុងបញ្ហាសន្តិសុខ និងយុទ្ធសាស្ត្ររួមនៅក្នុងតំបន់ក្នុងនោះមានសមុទ្រខាងកើតផងដែរ។

រីឯខ្លួនវិញ នាយករដ្ឋមន្ត្រីនូវែលសេឡង់ លោកស្រី Jacinda Arden បានបញ្ជាក់ ថា ចំពោះភាពតានតឹងជាយុទ្ធសាស្ត្រក្នុងតំបន់ ការគោរពច្បាប់អន្តរជាតិជាគោល ក៏ ដូចជាស្ថាប័នអន្តរជាតិ គឺជាបញ្ហាសំខាន់មួយ ដែលចាំបាច់ត្រូវបន្តការចរចារ និង សន្ទនា ដើម្បីដោះស្រាយដោយសន្តិវិធី៕