ប្រធានរដ្ឋ លោក Nguyen Xuan Phuc ទទួលជួបនាយករដ្ឋមន្ត្រីនូវែលសេឡង់ លោកស្រី Jacinda Ardern (រូបថត៖ Thong Nhat/TTXVN)

នារសៀលថ្ងៃទី១៤ ខែវិច្ឆិកា នៅទីក្រុងហាណូយ ក្នុងជំនួបទទួលជួបជាមួយនាយករដ្ឋមន្ត្រីនូវែលហ្សេឡង់លោកស្រី Jacinda Ardern ប្រធានរដ្ឋវៀតណាម លោក Nguyen Xuan Phuc បានស្នើឲ្យប្រទេសទាំងពីរបង្កើនកិច្ចសហប្រតិបត្តិការលើវិស័យថ្មីៗដូចជា ផ្លាស់ប្តូរថាមពល កំណើនបៃតង និងបើកផ្លូវហោះហើរតាមរដូវកាល និងកិច្ចសហប្រតិបត្តិការរវាងបណ្តាសាកលវិទ្យាល័យ។

ចំណែកលោកស្រី នាយករដ្ឋមន្ត្រី Jacinda Ardern បានមានប្រសាសន៍ថា ក្នុងឆ្នាំ ២០១៨ បន្ទាប់ពីបង្កើតភាពជាដៃគូយុទ្ធសាស្ត្រ នូវែលហ្សេឡង់បានចាប់ផ្តើមសហការជាមួយវៀតណាមលើការស្រាវជ្រាវអំពីពូជផ្លែស្រកានាគ។ នាពេលខាងមុខ  បន្ទាប់ពីលទ្ធផលនេះត្រូវបានធ្វើពាណិជ្ជកម្ម ផ្លែស្រកានាគវៀតណាមនឹងមានឱកាសជោគជ័យដូចផ្លែគីវីអូស្ត្រាលីដែរ។ លោកស្រីនាយករដ្ឋមន្ត្រី Jacinda Ardern បានយល់ព្រមគាំទ្រវៀតណាមក្នុងការពង្រឹងទំនាក់ទំនងជាមួយប្រទេសកោះនៅប៉ាស៊ីហ្វិកខាងត្បូង ជាពិសេសក្នុងកិច្ចសហប្រតិបត្តិការដើម្បីឆ្លើយតបទៅនឹងការប្រែប្រួលអាកាសធាតុតាមសំណើរបស់លោកប្រធានរដ្ឋ Nguyen Xuan Phuc៕