លោកនាយករដ្ឋមន្រ្តី Nguyen Xuan Phuc ចេញសេចក្តីណែនាំ បន្តអនុវត្តវិធានការណ៍បង្ការនិងប្រយុទ្ធប្រឆាំងនឹង Covid-19 នៅក្នុងស្ថានភាពថ្មី

សេចក្តីណែនាំនេះបានចែងថា៖ ជំងរាតត្បាត Covid-19  បានរីករាល ដាលពាសពេញពិភពលោក។ នៅ វៀតណាម បន្ទាប់ពីរយៈពេល ៣ សប្តាហ៍ នៃការអនុវត្តវិធានការរក្សាគម្លាតសង្គម ស្របតាមសារាចរលេខ ១៦ មក ទូទាំងប្រទេសបានរកឃើញនិងបន្តគ្រប់គ្រងកុំឲ្យជំងឺរីករាល ដាលក្នុងសហគមន៍  ជាពិសេស អ្នកឆ្លងភាគច្រើនត្រូវបានព្យាបាលជាសះស្បើយ ហើយគ្មានករណីស្លាប់នៅឡើយ។ ថ្វីត្បិតដូច្នេះក៏ដោយ ក៏ប៉ុន្តែ ជំងឺរាតត្បាតបន្តបម្រែបម្រួលយ៉ាងស្មុគស្មាញ ដែលជះឥទ្ធិពលអាក្រក់ដល់សេដ្ឋកិច្ចសង្គមនិងជីវភាពរស់នៅរបស់ប្រជាជនផងដែរ។

ដើម្បីអនុវត្តវិធានការប្រយុទ្ធប្រឆាំងនឹងជំងឺប្រកបដោយប្រសិទ្ធភាព ទន្ទឹមនឹងការបន្តអភិវឌ្ឍសេដ្ឋកិច្ច ធានាសន្តិសុខសង្គមនិងស្ថិរភាពជីវភាពរស់នៅ, លោកនាយករដ្ឋមន្ត្រីបានស្នើឲ្យក្រសួងស្ថាប័ន គ្រប់ជាន់ថ្នាក់ បន្តស្វែងយល់និងអនុវត្តឱ្យបានហ្មត់ចត់ នូវទស្សនៈនិងគោលការណ៍ណែនាំ ដោយ “ប្រឆាំងនឹងជំងឺរាតត្បាតដូចជាការប្រយុទ្ធប្រឆាំងនឹងសត្រូវ”។ ជាពិសេស ប្រមូលផ្តុំការចូលរួមរបស់ប្រព័ន្ធនយោបាយទាំងមូល អនុវត្តន៍ត្រឹមត្រូវរាល់វិធានការ ព្រមទាំងបន្តអនុវត្តន៍គោលដៅអភិវឌ្ឍន៍ផលិតកម្មក៏ដូចជា ដោះស្រាយបញ្ហាការងារធ្វើដោយមានលក្ខខ័ណ្ឌជាក់ស្តែង៕